→ كل الوصفات
#الوصفه - المثاليه
المقادير
- عجينة بيتزا
- 3 حبات بندوره مبروشه
- ملعقة زيت زيتون
- 2 زر ثوم
- 4 ملاعق رب بندوره
- ملعقة سكر
- ملح حسب الرغبه
- 3 ملاعق كاتشب
- البهارات(بودرة بصل وثوم، زعتر، بابريكا، فلفل اسود، رشه كمون
- بهارات بيتزا او ايطاليه
- زنجر حار مجمد جاهز
- فاصوليا حمرا او يستبدل ب ذره
- فلفل هالبينو
- جبنة الموزاريلا مع قليل من الشيدر احمر
- 3 ملاعق مايونيز
- ملعقة خردل
- 0.5 ملعقة خل ابيض
- رشة سكر
- ملعقة زيت
- ملعقة كاتشب حار
- بهار حار
طريقة التحضير
- لعمل صلصة البندورة:بقلايه بسخن الزيت بضيف الثوم بقلبهم بعدين بضيف البندورة ورب البندورة والسكر والكاتشب بغطي القلايه حتى يتسبكو بعدها بضيف الملح والبهارات بتركها تبرد
- الزنجر بكون مطلعته من الفريزر قبل بوقت حتى يسهل تقطيعه بقطعه مربعات وبقليه بالزيت بحطه على جنب.. بنفرد العجينه وبخزقها بالشوكه حتى مايضل هوا بالعجين بعدين بنضيف كميه منيحه من صلصة البندورة برش الجبنة فوق العجين بعدين بضيف الفاصوليا او ذره والزنجر والهالبينو بشكل مرتب وبعدها برش رشة خفيفه كمان جبنة بندخلها الفرن محمى مسبقا
- لخليط المايونيز بخلط كل المكونات مع بعض منيح بعدين بكيس تفريز بضيف الصوص وبقص طرفها مثل كيس الحلواني حتى تسمح للصوص يطلع منها،، بعد ما انطلع البيتزا من الفرن بضيف عليها خليط المايونيز بشكل خطوط مثل مو بالصوره... وبس الف صحة وعافيه 🍕
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد