→ كل الوصفات

بيتزا الطاسة السريعة في 10 دقائق 🍕😋❤️

#بداية_خير بيتزا الطاسة السريعة🏃‍♀️ من أنواع البيتزا السهلة اللي مش بتاخد وقت في التخمير وبتعمليها على الطاسة من غير فرن وبتحوطي عليها اي حشوة بتحبيها😍 انا حطيت ميكس جبن🧀 وفلفل وطماطم 🍅انتي بئا شوفي الحشوة اللي بتحبيها وحوطيها جربيها بنفسك وشوفي العظمة والجمال 🤩❤️

  • 2 كوب دقيق
  • 1 ملعقة صغيرة سكر
  • 1 ملعقة صغيره خميرة فورية
  • رشة صغيرة من الملح
  • 3 ملاعق كبيرة زيت
  • 1/2 كوب لبن حليب
  • 1/4 كوب ماء
  • للحشوة نحتاج
  • ميكس جبن
  • شرائح فلفل رومي مقطع
  • شرائح طماطم مقطعة
  • لصوص البيتزا نحتاج
  • 2 ملعقة كبيرة كاتشب
  • 1 ملعقة صغيرة زعتر
  • 1/4 ملعقة صغيرة ثوم بودر
  • 1/4 ملعقة صغيرة بصل بودر
  1. أولاً جيبي طبق عميق وحوطي فية الدقيق والخميرة والسكر والملح وقلبي كل المكونات مع بعض كويس 😍
  2. ضيفي بعد كدة الزيت والحليب وضيفي الماء بالتدريج وأعجني العجينة كويس لحد لما تتكون معاكي عجينة ملساء وبتلزق شوية أعجني حوالي 7 دقايق متبخليش على العجينة في العجن عشان تكون حلوة معاكي 😍
  3. سيبي العجينة ترتاح لمده عشر دقائق وبعد كدة وافرديها على قد الطاسة بتاعتك ولو الطاسة صغيرة ممكن تقسمي العجينة نصفين وتعملي 2 بيتزا وبعد كدة جيبي الطاسة وحوطيها على نار هادية وحوطي فيها حبة زيت وحوطي العجينة في الطاسة وغطيها وسيببها لحد لما تتحمر حبة من تحت😍
  4. اقلبي العجينة بعد كدة على الجنب التاني وحوطي صوص البيتزا وميكس الجبن والطماطم والفلفل وغطي الطاسة تاني لحد لما الجبنة تسيح وبعد كدة شيليها من على النار وقدميها بعد كدة وهي سخنة على العشا أو الفطار بجد حلوة جداً جربيها بنفسك وشوفي الجمال واللذاذة 😋🤩
  5. 😋😋😋😋😋😋😋🍕
عجبتك الوصفة؟
شوف كل وصفاتنا في مكان واحد
كل الوصفات →