→ كل الوصفات
بناتي ربنا يخليهوملي كان نفسهم في بيتزا يتعشوا بيها ودلوقتي حالا 🤦♀️ فاعمل ايه 🤷♀️ فكرت في بيتزا الطاسة والحقيقة كانت فكرة حلوة جدا وجربتها ولأول مرة معاهم واتبسطوا منها الحمدلله 🥰
المقادير
- 2 م ك زبادي
- 2 م ك زيت
- م ص سكر
- ½ م ص ملح
- بيضة (اختياري) بس بتضيف قيمة غذائية
- م ص بيكنج باودر
- دقيق حسب لم العجينة
- م ص مليانة صلصة مخففو بشوية ماء
- رشة من (زعتر ، ريحان ، فلفل ، بابريكا ، ملح)
- طماطم مقطعة
- فلفل رومي مقطع
- فراخ مسلوقة مقطعة (اختياري) ان وجد
- زيتون اخضر مخلي مقطع
- اي نوع جبنة متوفر (انا استخدمت تركي)
طريقة التحضير
- اولا العجينة : في بولة اعجن كل المكونات السابقة والم العجينة بالدقيق وهي بتبقي ملزقة شوية ، بعدين في طاسة مدهونة زيت ، دهنت ايدي زيت وفردت العجينة في الطاسة براحة ،
- ثانيا الصلصة : قلبت كل مكونات الصلصة في طبق وفردتها براحة علي العجينة ،
- اخيرا : حطيت الخضار والفراخ والجبنة ورشيت رشة (ريحان ، زعتر) وغطيت الطاسة وفتحت البوتاجاز علي نار وسط وسيبتها تستوي براحتها ولو حسيتي ان العجينة استوت من تحت وفوق لسة يبقي وطي النار خالص وانتي لسة مغطية الطاسة وسيبيها لحد تمام السوي وبس كدة وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد