→ كل الوصفات

بيتزا الطاسة بأومليت سوسيس

تنفع فطار وعشاء وطعمها جميل

  • 2 بيضة
  • 2 قرن فلفل رومي
  • 1 طماطم
  • 2 قطعة سوسيس أو هوت دوج
  • رشة ملح وفلفل اسود
  • 3 م ك زيت طعام
  • رشة متوسطه جبنة موتزريلا مبشورة
  1. هنضرب البيض فى بولة ونضيف رشة من الفلفل الاسود
  2. هنقطع الطماطم والفلفل قطع صغيره
  3. والسوسيس هنقطعه حلقات متوسطه
  4. وفى مقلاة مش بتلزق هنضيف الزيت يسخن ونضيف السوسيس ياخد لون ويتشوح
  5. ونضيف عليه الفلفل دقيقه يتقلب معاه
  6. ونضيف الطماطم تتقلب معاه ونضيف رشة من الملح والفلفل الاسود
  7. وبعدين نضيف البيض ونحاول نهز المقلاة عشان يتفرد على المكونات
  8. وبعدين نضيف الجبنة الموتزريلا وكل ده واحنا مهديين النار عليه ونغطيها عشان تتشبع مع الاكل وتسييح كلها
  9. وهنا بقى اتعملت وكانت طعمها حلوة اوي
عجبتك الوصفة؟
شوف كل وصفاتنا في مكان واحد
كل الوصفات →