→ كل الوصفات
كنت بيوم الفري في برنامج الدايت حابة أفطر بسندويشة فلافل أو بيتزا .. وبصراحة كنت حابة التنتين .. لهيك خطر ببالي أغامر وأخترع وصفة من مخي و أعمل بيتزا فلافل رغم كل السخرية اللي سمعتها 😅 .. والنتيجة كانت ولا بالأحلام .. بتمنى تجربوها وأكيد رح تحبوها 🤗
المقادير
- عجينة (وصفتها موجودة على صفحتي)
- كمية من الفلافل المهروس (بشوكة أو سكين)
- حبتين كبار طماطم
- حبة متوسطة فليفلة
- ملعقتين كبيرتين كاتشب
- جبنة موزاريلا (اختياري)
- زعتر ناشف (اختياري)
- زيتون (اختياري)
طريقة التحضير
- نحضر العجينة والموجودة وصفتها على صفحتي وبعد أن ترتاح نقوم بفردها في صينية مرشوشة بقليل من السميد.. وحتى نحصل على شكل نجمة أو وردة نقوم بتقطيعها من المركز كما في الصورة المرفقة
- نضع مكونات البيتزا على أطراف العجينة كما في الصورة (المكونات بترجع لرغبتكم).. في البداية ندهن الكاتشب ثم الفلافل المهروس ثم البندورة المقطعة ثم الفليفلة وأخيراً جبنة الموزاريلا
- نقوم بلصق كل رأس مثلث من المركز بطرف العجينة بحافة الصينية كما في الصورة
- ندخل البيتزا إلى فرن محمى مسبقاً لمدة تتراوح بين ٢٠-٣٥ دقيقة حسب نوع فرنكم.. وبعد النضج نضعها في الرف العلوي لتحمير الوجه.. وإذا بتحبوا تخبزوا بالمنتصف شيء آخر مثلي اخبزوا 😂😂.. أنا عملت منقوشة زعتر 😁
- اللمسة الخاصة تبعتي لجعل البيتزا طرية هي بمجرد إخراجها من الفرن نغطيها بصينية أخرى حوالي نصف ساعة حتى لا تنشف العجينة وتبقى طرية وبقوام رااااائع.. وصحتين وعافية ع قلوبكم ❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد