→ كل الوصفات
وصفه حلوه وطعمها روعه .استغليت فيها بواقى مكرونه مسلوقه من اليوم السابق وعملت منها طبق جديد وطعمه حلو اوى
المقادير
- اى بواقى مكرونه مسلوقه /أو نصف كيلو مكرونه مسلوقه
- كوب لبن دافئ
- 1/2 كوب جبنه رومى مبشوره
- كوب جبنه موتزريلا
- فلفل اى نوع
- كاتشب
- مشروم
- ملح
- فلفل اسود
- ملعقه سمنه
طريقة التحضير
- فى حله على النار قمت بتدفئه اللبن وضفت عليه الملح والفلفل الأسود ونصف كوب من الموتزريلا وملعقه السمنه ثم ننزل بالمكرونه ونقلبها على نار هاديه جداً حوالى دقيقتين ثم تدهن صينيه بفرشاه من الزيت وننزل بالمكرونه ونفردها فى الصينيه
- وعلى الوجه نضيف الكاتشب.وباقى الموتزريلا والجبن الرومى والمشروم والفلفل
- يمكن اضافه اى مكونات أخرى على البيتزا حسب المتاح.وممكن اضافه صلصه البيتزا بدل الكاتشب.بس للامانه الكاتشب طعمه مع الوصفه احلى بكتير من الصلصه
- تدخل الفرن تحت الشوايه لمده ٤/٥دقائق حتى تأخذ لون وتسيح الجبنه فقط
- تخرج من الفرن وتهدأ قليلاً ثم تقطع حسب الرغبه
- يمكن تقديمها بجانب البانيه المشوى كوجبه صيفيه مناسبه وبالهنا❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد