→ كل الوصفات
طريقة عمل بيتزا بالتونة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 4 اكواب دقيق
- كيس خميرة فورية
- كيس لبن نيدو
- الصلصة
- عصير طماطم
- 3 ملاعق صلصة كبار اي نوع تحبيه
- 3 فصوص ثوم
- رشة زعتر
- 3 ملاعق زيت كبار
- علبة تونة اي نوع
- زيتون حلقات اخضر
- طماطم
- فلفل رومي مقطعين صغير
- جبنة موتزاريلا اي نوع انا بستخدم دومتي
طريقة التحضير
- هتحضري العجينة هتنخلي الدقيق في بولة كبيرة معاه الخميرة واللبن النيدو وتعجنيهم بمية دافيه هتفضلي تعجني لو العجينة لزقت في ايدك حطي شوية دقيق عليها وانتي بتعجني لو ناشفه معاكي حطي شوية ماء دافيه وهتزيتي البولة وتلفيها بالاسترتش او بفويل وتحطيها في مكان مقفل انا بدخلها الفرن مش مولع طبعاً سبيها تتخمر ساعتين او تلاتة بس مش اقل من كده
- هتجيبي حلة متوسطة هتحطي فيها ٣ ملاعق كبار زيت وال ٣ فصوص الثوم تكوني فرماهم تورحي منزلاهم عالزيت اما يسخن اول م تشمي ريحة النوم تروحي منزلة ال٣ معالق صلصة والزعتر وزودي عليهم حبة ماء لحد م تبقي كريمي كده وبس
- هتطلعي العجينة تقسميها كورتين هيعملو معاكي صنيتين قد الصورة الى حطاها دي هتفرديها بالنشابة وتحطيها في الصينية وتلفي الاطراف بتاعتها وتحطي الصلصة وعليها تونة والطماطم والفلفل والزيتون وفي الاخر على وجهها الجبنة الموتزاريلا طبعاً هتبقي مولعة على الفرن وانتي بتحضريها عشان يسخن وهتدخليها على درجة ١٨٠ ونص ساعة وتطلعيها وبالهنة والشفة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد