→ كل الوصفات

بيتزا بالخضار والزنجر/ اللانشون

وصفة لذيذة حتحبوها وممكن تنعمل بعجينة العشر دقائق

  • قطعتين زنجر حجم كبير ممكن استعمال السنيورة / اللانشون بدل الزنجر
  • 3 حبات فليفلة حلوة حجم وسط
  • شرائح زيتون أسود مقطع
  • 2 حبات بندورة
  • سن ثوم
  • بصلة
  • أوريغانو
  • ملح وفلفل أسود
  • كوب حليب دافي
  • ملعقة كبيرة مليانة خميرة
  • ملعقة سكر كبيرة
  • كوبين ونص طحين
  • ملعقة صغيرة بايكينغ باودر
  • زيت
  • ⅓ الكوب زيت قلي
  • رشة ملح
  • موزاريلا
  • جبنة قشقوان وجبنة صفرا مبروشين (اختياري)
  1. بنبدا بالعجينة بنحط الحليب مع الخميرة والسكر بجاط ونستنى الخميرة لتفور
  2. بنضيف الطحين والبيكنج باودر والزيت ورشة الملح
  3. بنعجن المكونات كتير منيح وبنترك العجينة ترتاح من ساعة لساعة ونص تقريبا
  4. للصلصة بنفرم البصل وبنقطع البندورة و بنهرس سن الثوم
  5. بمقلاة بحط البصل بقلي ليذبل وبضيف الثوم وبضيف عليهم فلفل اسود وبابريكا وملح واوريغانو
  6. بضيف البندورة وبغطي المقلاة لتطرى البندورة وبضيف ملعقة رب بندورة وبتركهم دقيقتين ليتسبكوا
  7. بحط الصلصة بالبلندر وبنعم الصلصة كتير منيح
  8. بدهن صينية الشوي بزيت قلي وبحط شوية سميد وبفرد العجينة جوا الصينية بحيث يكون سمك العجينة مو كتير كبير او حسب الرغبة
  9. للحشوة بفرم بصلة وسط ناعم كتير وبقطع فليفلة مكعبات وبقلي زنجر وبقطعو او بقطع السنيورة او اللانشون مكعبات
  10. بقلي البصل المفروم ناعم بزيت ليذبل وبضيف عليه الفليفلة وبضيف رشة ملح وفلفل
  11. اذا كنتي مستخدمة اللانشون ضيفيه على الفليفلة وحركيهم شوي وتركيهم ٣ دقائق
  12. بس تبرد الصلصة شوي بفرد كمية منها على العجينة
  13. بضيف على الصلصة كمية من الموزاريلا وشوية جبنة صفرا وممكن قشقوان
  14. بضيف الفليفلة وبفرد فوقها الزنجر وبفرد الزيتون فوقهم
  15. برجع بضيف شوية جبنة صفرا وقشقوان وشوية موزاريلا وبحط كمان شوية زيتون أسود
  16. بدخل الصواني على فرن حامي على الرف اللي تحت بدرجة حرارة ١٨٠° لمدة نص ساعة بعدين برفعهم وبحمرهم
عجبتك الوصفة؟
شوف كل وصفاتنا في مكان واحد
كل الوصفات →