→ كل الوصفات
البيتزا من المعجنات اللذيذة أوي😋 كلنا بنحبها وبيتزا السلامي من البيتزا إللي بحبها أنا شخصياً 🤩عملتها بعجينة سهلة ولذيذة جربيها أكيد هتعجبك 😍🤗
المقادير
- 2 كوب دقيق
- 1 ملعقة كبيرة حليب بودرة
- 1 ملعقة كبيرة سكر
- 1 ملعقة صغيرة خميرة
- 3 ملاعق كبيرة زيت
- رشة صغيرة من الملح
- 1 كوب ماء دافئ
- 1 ملعقة كبيرة خل
- لصوص البيتزا نحتاج
- 2 ملعقة كبيرة كاتشب
- 1 ملعقة كبيرة صلصة طماطم
- 1 ملعقة صغيره ثوم بودر
- 1 ملعقة صغيره بصل بودر
- 1 ملعقة صغيره زعتر
- 1 ملعقة كبيرة زيت
- لحشوة البيتزا نحتاج
- كمية من الجبنة الموتزاريلا
- كمية من الجبن الشيدر
- كمية من الجبنة الرومي
- زيتون اسود واخضر
- شرائح فلفل رومي مقطع
- شرائح طماطم مقطعة
- كمية من السلامي
طريقة التحضير
- أولاً في طبق غويط حوطي فيه الدقيق والحليب البودرة ورشة الملح والخميرة والسكر وقلبيهم مع بعض كويس بعد كدة ضيفي الزيت والخل وضيفي الماء الدافئ بالتدريج وأعجني العجينة كويس لحد لما تتكون معاكي عجينة ملساء وبتلزق شوية 😍
- غطي العجينة بعد كدة وسيبيها تختمر لمدة ساعة وبعد كدة افردي العجينة وحوطيها في صينية مدهونة بالزيت واعملي ثقوب في العجينة بالشوكة وبعد كدة ضيفي عليها صلصة البيتزا ومكوناتها فوق👆 حوطي كل المكونات على بعض وقلبيها وضيفيها على العجينة كلها ووزعيها كويس😍
- ضيفي بعد كدة الجبن والزيتون والسلامي والفلفل الرومي وشرائح الطماطم وزعيهم كويس فوق العجينة وبعد كدة دخلي البيتزا الفرن على درجة حرارة 200 لمدة 15 دقيقة ولما تستوي خرجيها من الفرن 😍
- قطعي البيتزا بعد كدة وقدميها لأطفالك وانتي كمان متنسيش نفسك بقطعه او اتنين 🤩 وأستمتعي بالطعم التحفة جربيها أكيد هتعجبك👍 ولو عايزة تعملي 2 بيتزا ضعفي المقادير واعملي 2 بيتزا حسب عدد أفراد أسرتك 😍
- 😋😋😋😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد