→ كل الوصفات
أحلى وأسهل بيتزا ممكن تعمليها بمقادير سهلة وبسيطة هتعملي أحلى بيتزا 👌😍 #بيتزا_سريعة
المقادير
- 2 كوب دقيق
- 2 ملعقة كبيرة لبن بودرة
- 1 ملعقة كبيرة زبادي
- 1 ملعقة صغيره خميره
- 1 ملعقة كبيرة سكر
- رشة ملح
- 1 ملعقة كبيرة خل
- 2 ملعقة كبيرة زيت
- 3/4 كوب ماء دافئ
- للحشوة
- ميكس جبن (رومي_موتزاريلا_شيدر)
- كمية من السلامي
- كميه من شرائح فلفل أخضر
- كمية من طماطم شرائح
- كميه من زيتون
- لصوص البيتزا نحتاج
- 3 ملاعق كبيرة كاتشب
- 1 ملعقة صغيره زعتر
طريقة التحضير
- أولاً في طبق غويط حوطي الدقيق والسكر والملح والخميرة ولبن البودرة وقلبيهم مع بعض كويس وبعدين ضيفي الزبادي والزيت وحوطي بعد كده الميه وأعجني حوالي٧دقايق متبخليش على العجينة في العجن عشان تكون حلوة معاكي😍
- جيبي طبق غويط وحوطي فيه حبة زيت وحوطي العجينة فية وغطى الطبق وسيبي العجينة تخمر ساعة ولما تخمر رشي الرخام بالدقيق وأفردي العجينه بالنشابة وبعدين حوطيها في صينية مدهونة بالزيت وظبطي العجينه على قد الصينيه😍
- جيبي الكاتشب وحوطيه على العجينه كلها ووزعيه على كل العجينه ورشي بعد كدة زعتر وممكن تستغني عن الزعتر بس هو حلو جداً وبيدي طعم حلو للعجينه وبعد كده حوطي الجبن والسلامي والفلفل والزيتون والطماطم ودخلي العجينه على درجة حرارة 200 حوالي 1/4 ساعة ولما تستوي خرجيها من الفرن وقدميها بعد كدة بجد روعه جربيها هتعجبك جداً وبالهنا والعافية يارب عليكي حبيبتي 😘🌹😍💞💖
- 😋😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد