→ كل الوصفات
طريقة عمل بيتزا باللحمة المفرومة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- ¼ كيلو لحم مفروم
- بصلة متوسطة مفرومة
- ملح وفلفل وبهارات
- فلفل اخضر متقطع
- لعجينة البيتزا
- 2 كوب دقيق
- رشة ملح
- معلقة خميرة
- كوب زبادي
- معلقة كبيرة مايونيز
- معلقة كبيرة لبن بودر
- معلقة صغيرة زعتر
- معلقتين زيت
- مياه للعجن
- للصلصة
- 2 طماطم كبيرة مبشورة
- معلقة كبيرة صلصلة
- ثوم مفروم (نصف ملعقة)
- ملح وفلفل وزعتر
- للوجه
- زيتون مخلى
- جبنة موتزاريلا
طريقة التحضير
- الاول هنعصج اللحمة ، هنحط عليها البصلة المفرومة والبهارات والفلفل والملح ومعلقة سمن ومعلقة زيت ونسيبها على نار هادئة تتعصج وقرب ما تستوي هنحط عليها الفلفل الاخضر المتقطع
- هنعمل صلصة البيتزا ، هنشوح الثوم المفروم في ملعقة زيت ولما يصفر ننزل عليه الطماطم المبشورة ومعلقة الصلصة والبهارات والملح والفلفل والزعتر ونصف كوب مياه ، ولما تتسبك نطفى عليها ونسيبها تبرد
- نعمل العجينة ونسيبها تختمر ، هنحط الخميرة ورشة الملح والزعتر واللبن البودرة على الدقيق ونقلبهم كويس وبعدين هنضيف الزيت والزبادي ونعجن بالمياه
- لما تختمر هنفردها في صينية مدهونة زيت وبعدين نحط الصلصة وبعدين اللحمة المفرومة وبعدين الزيتون وندخلها الفرن على ١٨٠ وبعد ربع ساعة نطلعها نحط على الوجه الجبنة الموتزريلا وندخلها ثاني كمان ربع ساعة وبعدين نطلعها تبرد ونقطعها
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد