→ كل الوصفات

بيتزا باللحمة المفرومة 🍕🤤

طريقة عمل بيتزا باللحمة المفرومة 🍕🤤 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيلو دقيق
  • ملعقة بيكنج بودر كبيرة
  • ملعقة سكر صغيرة
  • 1/2 ملعقة ملح صغيرة
  • فنجان زيت
  • كوب ونصف ماء دافئ للعجن
  • علبة ذبادي او كوب حليب الي متوفر عندكو
  • باكو خميرة فورية
  • ملعقة صغيرة زعتر او سمسم مع حبة البركة لو حابين اضافتها داخل العجينة
  • 3 ملاعق لبن بودر
  • 1/2 كيلو لحمة مفرومة
  • 5 حبات طماطم
  • حبتين فلفل اخضر
  • حبتين بصل متوسطة الحجم
  • ملح ، فلفل ، كمون ، رشة نعناع ، رشة جنزبيل ، بهارات لحمة ، 7 بهارات. دي البهارات الي بحب استخدمها في الصلصة
  • زتون مخلي ، فلفل ، جبنة موتذريلا او رومي فقط
  1. نحضر كوب ماء يكون دافئ مع الخميرة ومعلقة السكر وتقلب وتترك حتي يتفاعلو
  2. نحضر الدقيق ونضيف عليه البيكنج بودر ورشة الملح والزعتر واللبن البودر وكوب الذبادي وفنجان الزيت ونقلب ونضيف عليهم الخميرة
  3. لازم نعجن كويس لحد ما تتكون عندنا عجينة متماسكة وهشة وطرية وملمسها بيلزق شوية
  4. تترك حتي تختمر بتاخد من ساعة ونص لساعتين لو عوزة تنجزي دفي الفرن شوية وحطيها تتخمر جواه
  5. للحمة هتفرمي البصل والفلفل فالكبة وتحمريهم ف شوية زيت ياخدو لون بس ، بعدها تنزلي عليهم باللحمة وتقلبي لحد م لونها يتغير وتقومي نازلة عليها بالبهارات ومتكتريش نعناع وكمون يدوب رشة كداا
  6. بعدها تنزلي عليها بصلصة الطماطم بعد م تضربيها بردو وتسبيها تقلب شوية بعدين وطي عليهم وسبيهم لحد م يستوو والصلصة تتسبك كويس وتطفي عليها
  7. هناخد العجين بعد ما خمر نقسمه ٤ اجزاء كل جزء هيعمل معانا صنية متوسطة مش محددة المقاس بصراحة بالنظر كدا
  8. ملحوظة متفردوش العجينة اوي فالصنية علشان متنشفش منك في قلب الفرن واخرمي العجينة بعد الفرد ب شوكة علشان متنفخش من جزء وجزء لا وادهني الصنية زيت خفيف كداا بس علشان متلزقش فيه
  9. بعد م فردنا العجينه هنوزع عليها اللحمة و الفلفل والزتون وتدخل الفرن علي درجة ١٨٠ ولم تطلع يدوب نرش عليها الجبنة وتدخل الفرن تسيح بس بسرعه من فوق ونطلعها علشان متتحرقش
  10. وبس كدا بالف هنا علي قلبكو يا حلوين.. 🍕🤗💜
عجبتك الوصفة؟
شوف كل وصفاتنا في مكان واحد
كل الوصفات →