→ كل الوصفات

بيتزا ببواقي اللحمة المسلوقة

#الشيف_الذهبي

  • 1 وربع كوب دقيق
  • 1 معلقة صغيرة خميرة
  • 1 معلقة صغيرة ملح
  • 1 معلقة صغيرة سكر
  • 1/4 معلقة صغيرة ثوم بودر
  • 1/4 معلقة صغيرة بصل بودر
  • 1 معلقة كبيرة زيت
  • 1 كوب ماء دافئ
  • 1 حبة فلفل متقطع شرايح
  • 1 حبة طماطم شرايح
  • شرايح زيتون
  • صلصة طماطم
  • ميكس جبن رومي وموتزريلا (المتوفر عندك)
  • بصلة صغيرة متقطعة ناعم
  • لحمة مسلوقة
  • رشة فلفل
  • رشة ملح
  • رشة بهارات لحمة
  1. أول حاجة هنحضر العجينة... في بولة هننخل الدقيق ونضيف عليه الملح والتوم والبصل البودر والزيت
  2. في كوباية هنضيف السكر والخميرة وعليهم شوية ماء دافئ ونغطيها لحد ما الخميرة تتفاعل
  3. بعد كدا بنضيف الماء والخميرة بالتدريج على الدقيق ونبدأ نعجن لحد ما تتكون عندك عجينة ناعمة وطرية وكلها حنية 😂❤️
  4. بعد كدا بنغطي العجينة بكيس بلاستك ونحطها في مكان دافئ ومظلم لحد ما تخمر ويتضاعف حجمها
  5. نبدأ بقا نحضر اللحمة... في طاسة على النار هنضيف معلقة كبيرة زيت وعليها البطلة المتقطعة ناعم ونقلبها لحد ما البصلة تدبل
  6. وبعدين ننزل باللحمة وعليها الملح والفلفل وبهارات اللحمة ونقلبها تقلبتين ونطفي النار
  7. بعد ما العجينة تختمر بنفردها ف صنية مدهونة زيت ونخرمها بالشوكة من المنتصف ونبدأ نحط التوبينج
  8. اول حاجة بندهن الصلصة وبعدين نضيف عليها الجبنة الرومي وبعدين نحط اللحمة وشرايح الفلفل والطماطم والزيتون ونرش مودزريلا على الوش
  9. وبعدين ندخلها على ارضية الفرن ويكون مسبق التسخين لحد ما تتحمر من تحت
  10. نخلي بالنا منها عشان متتحرقش وف الاخر بنرفعها ع الشبكة ونشغل الشواية تاخد لون دهبي
  11. ممكن ترشيلها مودزيلا ع الوش كمان وبس كدا 😋
عجبتك الوصفة؟
شوف كل وصفاتنا في مكان واحد
كل الوصفات →