→ كل الوصفات
#وصفات دايت بدون لبن بدون دقيق شوفان السعرات الحرارية للبيتزا ٣١٠ سعرة حرارية يعنى بتساوى في السعرات رغيف عيش بلدي
المقادير
- كوب عدس اصفر
- معلقة صغيرة كمون ناعم وكمون خشن
- رشة ملح
- م ص بيكنج بودر
- معلقة وربع جبنة اي نوع تحبيه ماعدا الرومي
- 1 طماطم
- 1 فلفل أخضر
- ½ بصلة صغيرة
- معلقة زيت زيتون لدهن الصينية
- معلقة صغيرة زعتر وروزمارى
- 4 وحدات صغيرين زيتون
طريقة التحضير
- اول حاجة هننقع كوب العدس الأصفر في كوبين مياه لمدة ٨ ساعات وبعدين هصفيه من مياته واركن المياه بتاعته على جمب بعدين هجيب الخلاط ونضع فيه العدس المنقوع ونصف كوب مياه العدس وتضرب مرتين تلاتة حتى الطحن جيداً
- وبعدين نضيف التوابل ونركه على جمب على ما نجهز اللي هنزين بيه البيتزا هنقطع واحدة الطماطم شرايح والبصل والفلفل ايضا والزيتون كمان بس كدا بعدين نجيب العدس
- ونضيف عليه ملعقة صغيرة بيكنج بودر ونجيب الصينية وندهنها ملعقة صغيرة زيت زيتون ونحط فوق الزيت رشة دقيق وعليها رشة كمون خشن عشان الخليط بتاعتنا ما يلزقش في الصينية او نضع ورق زبدة حسب الرغبة
- ونزينها بالمكونات بتاعتنا وندخلها فرن درجة حرارته ١٨٠درجة لمدة ١٥ق او حتى يتم التسوية وأول ما تخرج من الفرن هدهنها بمعلقة كبيرة صلصة وهدهن الوجه بالفرشاة جيداً
- ثم تقدم مع السلطة او كدا لوحدها وتنفع لوجبة غذاء روعة وسعرات حرارية قليلة جداً ومشبعة جداً وبالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد