→ كل الوصفات

بيتزا بعجينة الفراخ الصحية

بيتزا بعجينة الفراخ الصحية

  • 1/2 كيلو صدور فراخ
  • كوب جبنة موتزاريلا
  • 3 طماطم
  • 1 فلفل رومي
  • 1 بصل مقطع جوليان
  • 0.5 كوب مشروم (فطر)
  • 2 فص ثوم مهروس
  • زعتر ،
  • بهارات فراخ،
  • ثوم بودرة،
  • بصل بودرة ،
  • ملح ،
  • فلفل اسمر ،
  • بابريكا
  1. اولا نحط نصف كيلو صدور الفراخ في الكبة نفرمها كويس اووووي و ناعم اوي لحد ما تبقي عجينة
  2. بعد كدة نحط العجينة في بوله و نحط فوقها كوب الجبنة الموتزاريلا و نعجن جامد نحط بقي على ده شوية زعتر رشة بابريكا و رشة ثوم و بصل بودرة و بهارات الفراخ و كمان رشة فلفل اسمر بسيطة
  3. نحط بقي العجينة في الثلاجة و في الوقت ده بقي نحضر الtopping ،،،،نسلق ال٣ طماطم و بعدين نحطها في مياه ساقعة علشان نقشرهم و نضربهم بعد ما اتقشروا في الخلاط. كدة احسن اننا نقشر الطماطم علشان تبقي topping ناعم
  4. بعد كدة بقي نحط شوية زيت خفيف اوي و ننزل بال٢ ثوم المهروسين ننزل بعد كدة بالطماطم و الزعتر بردو و ملعقة سكر صغيرة و ملح و فلفل و رشة بصل بودرة و بابريكا اول ما تتسبك انزل بقي بالمشروم (الفطر) و البصل الجوليان و الفلفل الرومي و زيتون و اي حاجة تحبوها
  5. نطلع العجينة من الثلاجة بقي و نفردها ب ايدينا في صينية البيتزا ندخلها الفرن على ١٨٠ ثلث ساعة تأخذ لون الفراخ و تنزل مياه بتاعتها و تمسك زي العجينة... اطلعها من الفرن اصفي المياه و ادهن بقي العجينة ب الtopping و ارش موتزاريلا و رومي وادخلها الفرن تاني ربع ساعة و بعدين ٥ او ١٠ دقائق تحت شواية الجبنة بس تحمر بس كدة خلصنا كدة صحية جداااااااا بدون دقيق او زيت
عجبتك الوصفة؟
شوف كل وصفاتنا في مكان واحد
كل الوصفات →