→ كل الوصفات
#الشيف_الذهبي
المقادير
- 1/2 كيلو دقيق
- معلقه ك خميره فوريه
- معلقه سكر
- كوبايه ماء دافيه
- 1/3 معالق زيت زيتون او زيت عادي
- معلقه صغيره ملح
- 1/2 كيلو سجق
- 3 فصوص ثوم
- 3 طماطم
- 2 فلفل اخضر
- 1/2 كيلو جبنة موتزاريلا
- ثوم وبصل لصلصه
طريقة التحضير
- هنحط ملعقة السكر والخميره على كوب الماء الدافيه ونسيب الخميره تعلي
- هنحط الملح على الدقيق ونجيب الخميره اما تعلي ونحطها شويه شويه على الدقيق ونعجن وننزل بالزيت ونعجن في العجينه لحد ماتلم هتبقي طريه وبتلزق سيكه بسيطه ده معناه ان العجينه ناجحه هنحط نقطه زيت بسيطه على الوجه ونسيب العجينه تختمر
- هنجيب ٤طماطم مع بصله وسط وتلت فصوص ثوم ومعلقه ثوم بودر وبابريكا وفلفل اسمر واي بهارات تحبيها واظبطي ملحها وحطيها تتسبك بمعلقه زيت صغيرة على النار
- هنجيب السجق بقي نقطعه حلقات ونقطه زيت صغيرة خالص وفصين ثوم على النار وننزل بالسجق نشم ريحته وننزل بطماطم وفلفل متقطع جوليان ونحط ملح بسيط نظبط طعمه بس
- بعدين ندهن صينيه كبير زيت ونجيب العجينه نفرضها في الصينيه دي انا عملاها في صينيه كبيره من بتوع البسبوسه نفرض العجينه ونخرمها ونحط الصلصله وبعدين نحط حبه جبنة موتزاريلا ونحط السجق والخضار على الوجه زي مانحب خضار ونحط باقي الجبنة ونسيبه شويه تختمر تاني نكون مشغلين الفرن على درجه ٢٠٠ يسخن وندخل الصينيه والفرن سخن ونكون مولعين من تحت واما تستوي نشغل من فوق تسيح الجبنة وتأخذ لون البيترا مابتاخذش اكتر من ١٢ دقيقه في الفرن عشان كل مابتقعد بتنشف ومابتبقاش العجينه فلافي
- وبالهنا والشفا على قلوبكوا❤️❤️😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد