→ كل الوصفات

بيتزا سوسيس

#مقبلات_رمضان #رمضان كريم

  • كيلو دقيق
  • 2 م ك خميره
  • 3 م ك سكر
  • 3 كوب زبادى(6 م ك زبادى)
  • 6 م ك مايونيز
  • 6 م ك حليب بودره
  • كيس بيكنج باودر كبير
  • 3 م ك سكر
  • ملح
  • 1/2 كوب دافئ
  • 3 م ك كاتشب
  • 3 م ك صلصه
  • م ص زعتر
  • م ص توب و بصل باودر
  • سوسيس بالخلطه او ممكن اى حشو انتى عيزاه
  • لحمه مفرومه
  • شاورما فراخ_لحمه
  • مشكل جبن
  1. نحط الخميره فى نص كوب ماء دافئ مع السكر و نقلبها كويس و نغطيها و نسيبها لحد ما تحضر بقيت المكونات على بعض
  2. نحط باقى المكونات كلها على بعض فى العجانه او فى طبق غويط لو هنعجنها بأيدينا و نفضل نعجنها لحد ما تبقى عجينه طريه زى اللبان لو فى العجانه 10 دقايق لو على ايدينا نعجنها من 15 الى 20 دقيقه لحد ما تبقى عجينه طريه مش بتلزق و لو فرولت نحط تدريجيا نص كوب ماء دافئ و نعملها كوره و نغطيها بكيس و نسيبها فى مكان مقفول ساعه تخمر
  3. نحضر طبقه الصلصه فوق الوش نحط كل مكوناتها و نقلبهم (كاتشب _صلصه _زعتر _توم و بصل باودر)
  4. نسخن الفرن على اعلى حاجه و نسيبه يسخن جدا و نحضر الصوانى و ندهنها زيت و نقسم العجينه و نفردها فيها كويس تكون رقيقه علشان بتتخمر و تكبر اثناء التسويه و نخرم وشها بالشكوكه و نحط الصلصه عليها و نسيبها 10 دقايق ترتاح و بعد كدا نحط علبها الحشو الى عايزينه و ندخلها الفرن على النار الى تحت و نحط الشبكه لتحت و نسيبها من 15 الى 20 دقيقه و نبقى بنتابعها علشان لو الفرن تسويته سريعه هتستوى بسرعه لحد ما تبقى دهبى من تحت
  5. نطلعها نحط عليها الموتزريلا و نرفع الشبكه قريب من الشوايه و نسيبها لحد ما الموتزريلا تسيح و تحمر وشها و نطلعها و نقطعها
  6. و بالهنا و الشفا على قلبكم ♥️
عجبتك الوصفة؟
شوف كل وصفاتنا في مكان واحد
كل الوصفات →