→ كل الوصفات
طريقة عمل بيتزا شرقى 🍕 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 4 كوب دقيق
- كوب ونصف ماء دافئ
- رشة ملح
- الحشوه
- لحمة مفرومة
- طماطم
- فلفل اخضر
- بيض
- زيتون
- 4 ملاعق سمنة سايحة
- شيدر
- موتزاريلا
طريقة التحضير
- اربعه كوب دقيق عليهم رشة ملح وهنعجنهم بكوب ونص ماء دافئ ونعجن لحد مالعجينه تلم متكونش بتلزق واهم خطوه في الفطير علشان تعرفي تفرديه ويطلع مورق هو وقت العجن فهتفضلي تعجني فيه كويس جداً بايدك ربع ساعة على الاقل... نلمه كويس ونحط في طبق زيت ونحط العجين ونسيبه يرتاح
- تاني اهم خطوه لنجاح الفطير هو انه يرتاح وقت كافي لانه مفهوش خميره ماتنسوش هنسيبها ترتاح ساعة ونص
- بعد كده هندهن الرخامه سمنه وايدينا ونفرد اول كوره عجين لحد ماتكون رقيقه خالص اهم حاجة وهتلاقيها بتتفرد بسهوله لان العجين ارتاح كويس.. بعد مانفردها ندهنها سمنه بالفرشه
- في الوقت دا هنحضر الحشو حسب رغبتكم بس انا عملت لحمة مفرومة وضفتلها فلفل اخضر كمان... هنعمل عساج عادي. وهنعمل للوجه هنضرب بيض وعلية طماطم وفلفل وزيتون زي اللي في صوره. هنحضر اربع ملاعق سمنه سايحه في طبق ونطلع العجينه بعد مارتاحت نقطعها اربع كور ونسيبهم يرتاحو نص ساعة كمان.. ونحط فيها الحشو وعليه جبن شيدر رومي موتزاريلا ونقفلها بشكل ظرف... ونجيب الكوره التانيه نفردها نفس النظام وندخل جواها الاولى اللي فيها الحشو ونقفل ووندهنا بالسمنه ونجيب صينيه ندهنها سمنه ونحط الفطيره ونخلي قفله الظرف
- هي اللي تحت ونسيبها ترتاح نص ساعة كمان علشان تتفرد معاكي وتأخذ شكل الصينيه.. العجينه ارتاحت في الصينيه هنبططها براحه لحد ماتاخد شكل الدايره وندهن وجهها ببيضه مضروبه مع رشة فلفل اسود ونغطي وجهها كله بالموتزاريلا وتدخل فرن سخن على درجه حراره 200 لمده ثلث ساعة وبعدين تفتح الشوايه عشر دقائق وكده بقت جاهزه خلاص بالهنا والشفا 😍
- الفطير المشلتت بقي تاكلوه بجبنه قديمه وعسل نفس الطريقه بالظبط بس بدون حشو وكمان بنزود سمنه بنحطها على العجين مع كل تقفيله لحروفه ندهن سمن والوش كله قبل ماتدخل الفرن
- الف هنا عليكم 🥰🥰
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد