→ كل الوصفات

بيتزا شرقى

طريقة عمل بيتزا شرقى سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • لحمة معصجة
  • بيض
  • طماطم مقطعة صغير
  • شرائح زيتون مخلى
  • فلفل اخضر مقطع صغير
  • جبنة رومى مبشورة
  • جبنة موتزاريلا
  • كيلو دقيق
  • ماء للعجن
  • معلقة كبيرة ممسوحه سكر
  • معلقة صغيرة ملح
  • زيت
  • زبدة سايحة
  1. نحط الدقيق مع الملح مع السكر ونعجنهم بالمياه لحد العجينة متمسك معانا ونقسمها ٦ كور صغيرة ونسيبها تريح ساعة
  2. بنفرد كل كورة بالنشابة على رخامة او صينية مدهونة زيت لحد ميبقى شكل العجين دايرة كبييرة وندهن العجينة من النص زبدة سايحة ونجيب الجزء اليمين نقفله على اللى فى النص وندهن زبدة وبعدين الجزء الشمال هتبقى على شكل مستطيل ، نحط اللحمة المفرومة فى نص الفطير وبعدين نحط الجزء اللى تحت على المفروم وندهن زبدة واخيرا نحط الجزء اللى فوق وبتبقى على شكل مربع نحطها فى صينية مدورة او مستطيل مدهونة زيت خفيف
  3. ونحط على وشها الطماطم والفلفل والزيتون والبيض على خفيف بالمعلقة واخيرا الجبن الرومى والموتزاريلا وندخلها الفرن ربع ساعة فى الفرن وبعد كده نشغل الشواية لمده خمس دقائق ونخرجها ونقطعها ونقدمها مع كاتشاب وشيبسى و بالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →