→ كل الوصفات

بيتزا شرقي ❤️

#مطبخ_عكاكة #بيتزا_شرقي #معجنات #اكلات_مصرية

  • للعجينة_نص ك دقيق
  • م ص ملح _ نص ملعقة صغيرة سكر
  • كوب و نص مياه دافيه
  • زبدة سايحه على زيت او سمن بلدي 😋
  • الحشو _ بانيه مقطع مكعبات (وصفة البانيه في وصفاتي)
  • فلفل رومي مقطع مكعبات _ زيتون اسود مخلي
  • جبنة موتزاريلا
  • على الوجه جبنة رومي مبشوره مع حبه البركة
  1. هنحط الملح و السمر على الدقيق و انزل عليها بالماء شويه شويه لحد ما العجينه تلم معايا و ابدأ اعجنها كويس كدا مش ااقل من ١٥ دقيقه لحد ما تحصلي على عجينه متجانسه تماما هنقطع العجينه لكور على حسب الصينيه اللي هنعمل فيها انا قطعت العجين ل ٨ لانها كانت صينيه كبيره نقدر نزود عدد الكور مع صغر حجم الصينيه نقدر نعمل صنيتين بالمقدار دا يكون حجمهم وسط ٢٦
  2. نقسم ساعتها العجين ل ١٢ كوره كل صينيه تأخذ ٣طبقات فوق و ٣ تحت
  3. هنغطي كور العجين و نسيبها ترتاح لمده نص ساعة عشان تتفرد معانا كويس بعد كدا هنأخذ كوره من العجين و نفردها في السمنه السايحة لحد ما نحصل على طبقة رقيقة جداً من العجين ونحطها في صينيه مدهونه زيت و نكرر العمليه في النص الاول و نحط الحشو و نكرر الفرد للكور للنص التاني و نحطها عليهم نبدأ نثني اطراف العجين لتحت عشان تتقفل من الجناب و نرش على الوجه الجبنة الرومي مع حبه البركة هتدخلي فرن سخن على درجة حراره ٢٢٠ مش هتاخد اكتر من ١٥ دقيقة و نشغل الشوايه على الوجه يحمر و تخرج و بالف هنا و شفا
  4. العجينه دي عشان ماتبقاش ناشفة لازم تدخل الفرن يكون درجته عاليه و ماتاخدش اكتر من ربع ساعة و نأخذ بالنا كويس اوي من السوا و و تكون من تحت لونها ذهبي
  5. #دمتم_عكاكين
عجبتك الوصفة؟
شوف كل وصفاتنا في مكان واحد
كل الوصفات →