→ كل الوصفات
جمل اوي وحرش وينفع في عشا او فطار
المقادير
- كيلو دقيق
- رشة ملح
- 2 معلقة سكر كبار
- ماء للعجن
- كوب زيت ذرة
- 0.5 كوب سمنة
- للحشو الداخلي وللوجه
- بسطرمة
- جبنة رومي مبشورة
- مكعبات فلفل رومي والوان
- شرايح زيتون مخلي
- جبنة موتزريلا (اختياري)
طريقة التحضير
- اول حاجة بنحط الدقيق وعلية الملح والسكر واخلط كله وبعدين اعجن بالماية لحد ماتبقي معانا عجينة متماسكة وبعدين نعجن فيها لمدة دقيقتين وبعدين نعملها شكل اسطواني وبعدين نقطعها على 15 قطعة دول هيعملوا 4 فطاير متوسطة الحجم المهم بعد مانقطعهم بنكورهم ونريحهم في صينية فيها زيت وكل كورة عليه زيت هنغطي الفطاير ونسيبهم ساعة او اكتر ترتاح العجينة
- بعد ساعة بقي هنحط على الرخامة زيت وبعدين نجيب كورة ونفردها لحد ماتبقي العجينة رقيقة ونهويها من الجناب وبعدين نقفلها زي الكتاب وندهنها سمنة بالزيت ونركنها على جمب نجيب كورة تانية نفردها تاني وبعدين اجيب العجينة الاولى ونحطها في نص العجينة المفرودة ونحط الحشو بتاعنا وبعدين نقفل العجينة الاولى على الحشو زي الكتاب وبعدين ندهنها زيت وسمنة نجيب اخر عجينة نفردها فرد كبير وبعدين نحط الفطيرة في النص ونقفل عليهم وبعدين نجيب صينية فيها زيت وسمنة وندهن الفطيرة برضة سمنة وبعدين نحط الفطيرة وندهن الوش سمنة
- ونحط حشو بسيط وممكن نحط بيضة مخفوق وندهنبيها فوق الوش ونحط حشو بسيط قبل مانعمل اي حاجة هنشغل الفرن على 220 وندخل الصواني تحمر من تحت وبعدين نشغل عليه الشواية وبعدين نخرجها نغطيها شوية بفوطة وبعد 10 دقايق كدة قطعيها والف هنا وشفا
- ملحوظة :اول حاجة مش شرط كل الفطاير تبقي حادقة ممكن الحشو يبقي حلو وممكن يبقي فطير مشلتت سادة تاني حاجة المفروض من فوق وش الفطيرة يتحط بيضة مخفوق بشوية فلفل اسود لو حادقة عشان تبقي زي بتاعت المحلات انا محطيتش عشان دور البرد بس انتوا حطوا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد