→ كل الوصفات
طريقة عمل بيتزا مقلوبه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- قطعتين لانشون
- تمن كيلو شيدر قطعه واحده
- شريحه فلفل احمر واصفر
- بصله صغيرة اوي
- زيتون
- كزبره خضراء
- كوب دقيق
- 1/4 معلقه خميره
- زعتر
- سكر وملح
- معلقه زيت
- مايونيز
- زبادي
طريقة التحضير
- نعمل العجينه نحط الخميره على السكر على ربع كوب ماء دافيه عشان نختبر الخميره
- نحط الدقيق على المايونيز والزبادي والخميره بالماء والسكر والملح والزعتر ونعجن كتير ونشوف لو محتاجه ماء او دقيق نزود حسب العجينه
- نسيبها تختمر في مكان دافي وبعد نص ساعة نطلعها ونعجن تاني ونسيبها تختمر تاني
- نفرد العجينه ونشوف هنحتاج منها اد ايه والباقي نشيله (الكميه اللي هنحتاجها هنعرفها في الخطوات اللخيره)
- نحط العيجينه في الفرن لمده ٨ دقائق مثلا انها تكون نص مستويه مثلا بس برضه تكوم طريه عشان نعرف نفردها
- نجيب الطبق اللي هنحط فيه البيتزا وندهنه زيت من كل حوافه
- نقطع الشيدر قطع تخييينه ونحطها في الطبق (اعتذر على بشاعه التقطيع 😅)
- نعمل الحشو قطعت الفلفل قطع صغيرة اوي اوي وحطتها في طاسه لمده ٣ دقائق وبعد كده قطعت البصله قطع صعيره اوي وحطتها مع الفلفل على النار وحطيت توابل ملعقة ملح وفلفل وشطه وبعد كده حطيت معلقتين صلصة وقلبتهم شويه ومعلقه سكر
- نقطع اللانشون صغير ونطفي النار على الحشو ونحط اللانشون ونحط زيتون وكزبره حسب الرغبه
- نحط الحشو على الجبنة
- نحط العجينه اللي سويناها..... نعرف حجم العجينه على حسب حجم الطبق يعني بالتقريب قبل ما نحط اي حاجه في الطبق ده بنحط العجينه ونشوف هنحتاج اد ايه
- نحط البيتزا في الفرن وطبعا بيكون سخن من قبلها ونسيبها ٧ دقائق عشان الجبنة متلزقش في الطبق وممكن في الاخر نشغل الشوايه عشان العجينه تأخذ وجه ولما تستوي نطلعها ونقلبها
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد