→ كل الوصفات
طريقة عمل بيتزا ميكس جبن في نصف ساعه 🍕 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كوبايتين دقيق
- معلقتين زيت
- معلقتين لبن بودره
- 1/2 معلقه سكر
- معلقه خميره فوريه
- 1/2 معلقه ملح
- مايه دافيه للعجن
- طماطمتين مضروبين ف الخلاط ومتصفيين
- معلقتين زيت
- معلقتين زعتر
- معلقه ملح
- معلقه فلفل
- جبنه رومي مبشوره
- جبنه موتزاريلا
- مكعبات طماطمتين مقطعين
طريقة التحضير
- هتحطي الدقيق والزيت ولبن البودره والملح والسكر والخميره في حاجه وتخلطيهم كويس وتضيفي المايه لحد م تتكون العجينه وتلاقيها مبتلزقش وماسكه نفسها
- هتقسميها كورتين وتحطيهم ف صنيه وتغطيهم بورق استرتش وتسبيهم يخمرو في الصيف هياخدو ربع ساعه ف الشتا ممكن تسخني الفرن وتطفيه وتحطي الصنيه جواه هتتخمر ف ١٠ دقايق
- في حله صغيره هتحطي معلقتين الزيت عليهم الطماطم والملح والزعتر والفلفل وتسبيهم يغلو شويه ع النار
- لم العجينه تتخمر هتفرديها بشكل دواريه وتدهنيها بصوص الصلصه وبعدين ترشي عليها الجبنه الرومي وفوقيها الطماطم وعليها الموتزاريلا
- هتولعي الفرن وتحطي الصنيه من تحت ١٠ دقايق وبعدين تحطيها ف الشبكه الي ف النص وانتي مولعه الشوايه هتاخد برضو ١٠ دقايق او ربع ساعه
- وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد