→ كل الوصفات

بيتزا 🍕

#مقبلات_عائلتي

  • 1 كيلو دقيق
  • 1/4 كوب زيت
  • باكو خميره فوريه
  • ملعقه صغيره بيكنج باودر
  • زبادي للعجن
  • باكو لبن بودره
  • ملح و فلفل أسمر و زعتر
  • طماطم
  • فلفل
  • زيتون مخلي
  • صلصه جاهزه
  • ميكس جبنة رومي ، جبنة موتزاريلا
  • إضافات حسب الرغبه (تونه ، جمبري ، فراخ.. إلخ)
  1. نذوب الخميره في شوية ماء صغيرة و ملعقة صغيرة سكر و نسيبها على جنب عشر دقائق كده لحد مـ تعمل فقاعات علشان نتأكد إنها شغاله تمام
  2. نحط الدقيق و الزيت و الباكينج باودر و التوابل (ملح و فلفل و زعتر) و بعدين الخميره المتدوبه ، و نعجن بالزبادي على حسب مـ الدقيق يحتاج
  3. نسيب العجينه بتاعتنا تختمر لحد مـ حجمها يتضاعف (هتاخد ساعة أو اتنين بالكتير)
  4. نفرد العجينه في صينيه مدهونه زيت
  5. نحط الصلصة
  6. و بعدين نحط الطماطم و الفلفل و الزيتون (بحبهم متقطعين صغير مش شرايح) و ده طبعاً على حسب الرغبه بردو
  7. نحط أي إضافات بنحبها
  8. ندخلها الفرن لحد مـ تستوي على درجة حراره 180° (هنعرفها لما نلاقي القعر بتاع العجينه من تحت احمر شويه)
  9. نحط ميكس الجبن و شوية زيتون كمان للتزيين على الوجه و نشغل الشوايه عشر دقائق و بالهنا ❤
عجبتك الوصفة؟
شوف كل وصفاتنا في مكان واحد
كل الوصفات →