→ كل الوصفات
#نكهة_عالمية
المقادير
- كيلو دقيق
- 4 معالق كبار لبن باودر
- معلقتين كبار خميرة
- رشة ملح
- رشة سكر
- رشة زعتر
- 1/2 كوب زيت
- ميا دافئة للعجن
طريقة التحضير
- هنجيب بولة ونحط فيها الدقيق واللبن الباودر والخميرة والملح والسكر والزعتر ونقلبهم كويس مع بعض وننزل عليهم بميا العجن تدريجيا حوالي ٣ كوب او على حسب الدقيق ونعجن لحد ما تتماسك مع بعضها ومتلزقش
- نضيف الزيت تدريجيا مع العجن ونسيب العجينة تخمر
- نجهز معجون الصلصة ومضاف عليه زعتر
- نجهز الحشوة خضروات او جبن او فراخ انا هنا عملتها سوسيس وخضروات (طماطم وفلفل وزيتون) وضيفت على الوش جبنة موتزاريلا ورومي ، الحشوة طبعا بتكون حسب الرغبة
- بعد ما العجينة خمرت هنقسمها حسب الأحجام اللي احنا عايزينها ونفردها ونفرد على وشها معجون الصلصة ونفرد الحشوة عليها والجبن وندخلها الفرن بتاخد حوالي ربع أو تلت ساعة وبالهنا والشفا ♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد