→ كل الوصفات

بيتزا

كل ما العجينة اتسابت تخمر كل ما أخدتم نتيجة أفضل، ممكن تسيبوها تخمر من الليلة اللي قبلها ف التلاجة متغلفة كويس عشان تاخدوا افضل شئ

  • 2 كوب دقيق
  • كيس خميرة فورية
  • ملعقة كبيرة سكر
  • رشة ملح
  • ملعقتين كبار زيت
  • ماء دافئ للعجن
  • ملعقة كبيرة بيكنج بودر(اختياري)
  1. في كوب نضع مياه دافئة و عليها الخميرة و السكر ونقلب و نغطيهم و نسيبهم يتخمروا(ريحة الخميرة هتكون بارزة و هيكون في فوران علي الوش)
  2. في بولة هنحط الدقيق و عليه الملح و البيكنج بودر و نقلب وبعدين الزيت والخل و خليط الخميرة و نبدأ نعجن و نزيد مياة دافئة حتى الحصول علي عجينة بتلزق حاجة بسيطة جدا، نغطيها من نص ساعة لساعة تخمر وتتضاعف
  3. اول ما تخمر هاخدها افردها في صينية مدهونة زيت علي شكل دائري و اخرم العجينة بشوكة بس اسيب الأطراف بدون تخريم(لو مش عايزين الأطراف تنفش خرموها، وممكن تحشوها جبنة أو خلافه و تقفلوا عليها) حطيت معلقة صلصة على الوش وبعدين رشة جبنة موتزاريلا صغيرة(أو اي نوع) و بعدين الحشو اللي تحبوه و بعدين رشة أخيرة من الجبنة(ابعدوا عن الأطراف اي صلصة او جبن عشان متتحرقش)
  4. تدخل الفرن مسخن مسبقا تقعد نصف ساعة(ابدأ اتابعها من اول ربع ساعة) اول م تاخد لون من تحت وتبدأ الجناب تلون افتح الشواية تاخد لون وبألف هنا:)
عجبتك الوصفة؟
شوف كل وصفاتنا في مكان واحد
كل الوصفات →