→ كل الوصفات

بيتزا

طريقة عمل بيتزا سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 2 كوب دقيق
  • معلقه كبيره زيت
  • معلقه صغيره خميره فوريه
  • رشه سكر
  • رشه ملح
  • 1/2 كوب ماء دافيه
  • رشه زعتر
  • 10 حبات طماطم متوسطه الحجم
  • 2 فص حبهان
  • ورقه لورا
  • معلقه صغيره بصل بودر (او بصله متوسطه)
  • معلقه صغيره ثوم بودر (او 2 فص ثوم)
  • معلقه ملح
  • معلقه فلفل اسود
  • معلقه زعتر
  • مكعب مرقه دجاج
  • رشه جوزه الطيب
  • 1/4 صدور فراخ مخليه مقطعه شرائح
  • شرائح بصله متوسطه مقطعه
  • 1/4 كوب مشروم
  • 2 حبه فلفل حلقات (احمر و اصفر او اخضر)
  • 2 حبه طماطم حلقات
  • زيتون اسود مخلي
  • 1/2 كوب جبنه شيدر مبشوره
  • 1/2 كوب جبنه رومي مبشوره
  1. للعجينه.. نضيف المكونات (الدقيق و الزيت و الملح و السكر و الزعتر و الخميره) و يتم تقليبهم جيداً ، و يتم اضافه الماء الدافئ تدريجياً ، حتى تجمع العجين (لو العجينه متجمعتش نضيف زيت عشان تلم فـ الايد و ميبقاش فيها عجين).. و نسيب العجينه ترتاح من نص ساعه لـ ساعه فـ مكان دافي
  2. لصلصه البيتزا.. حله على النار نحط 3/4 ماء حجمها و نضيف حبات الطماطم و الحبهان و ورق الـلورا ، بعد سلق الطماطم.. نطلعها و نحطها فـ ماء بـ تلج و نشيل القشره ، و نحطها فـ الكابه و نضربها ، و نحطها على نار متوسطه و نضيف الملح و الفلفل الاسود و البصل و الثوم البودر و الزعتر و جوزه الطيب و مكعب المرقه ، و تترك حتى التسبيك
  3. الحشـو فـ طاسه تيفال نحط صدور الفراخ بعد تقطعها و شطفها مع شويه زيت و شويه فلفل اسود ، بعد ما تستوي الصدور نشيلها و نحط شويه زيت فـ نفس الطاسه و ننزل بالبصله الشرايح و نقلبها لحد ما تدبل و نحط عليها المشروم و نقلبهم كويس لحد ما تستوي
  4. التجميع... نجيب صينيه و ندهنها زيت جيداً من جميع الجوانب و نجيب العجينه بعد ما ارتاحت و نفردها بحجم الصينيه جيداً و نسيبها 10 دقائق ترتاح
  5. نرجع نفرد العجينه فـي الصينيه و بـ ملعقة و نوزع صلصه البيتزا نغطي العجينه ، و نحط حبات الطماطم و صدور الفراخ و حبات الفلفل و المشروم و الزيتون المخلي و نحط نص كميه الجبن (الرومي و الشيدر).. (وضع المكونات ليس له ترتيب محدد)
  6. نكون مجهزين الفرن قبلها و نحط الصينيه فـ الفرن على نار متوسطه ، لما الوش يبدأ يحمر تقريباً بعد 15 دقيقه (على حسب الفرن) نحط كميه الجبنه اللـ باقيه على الوش و ندخلها الفرن تاني لـ 15 دقيقه تانيه و نطلعها.. نسيبها تبرد شويه و بعدين نقطعها و نقدمها بـ الهنا و الشفا
  7. ملحوظه : ممكن نستخدم نفس المقادير و الطريقه لعمل بيتزا صغيره للاولاد فـ المدرسه او تقدم للضيوف. هنفرد العجين و هنقطعه دواير و نحشيه و تكون كميه الحشو اقل
عجبتك الوصفة؟
شوف كل وصفاتنا في مكان واحد
كل الوصفات →