→ كل الوصفات
اكلة إيطالية سهلة جدا وتجهز في اقل من نص ساعة بيتسايولا (لحمة بوفتيك بالصلصة و الموتزاريلا) و بطاطس بوريه
المقادير
- 3/4 ك لحم بوفتيك متقطع رفيع
- 1.5 ك صلصة طماطم
- فص ثوم كبير او 2 صغيرين
- ملح وفلفل اسمر
- معلقة كبيرة اوريجانو (زعتر جبلي)
- 1/2 ملعقة كبيرة سمن و ملعقتين زيت لللحمة
- 1/2 ك بطاطس مسلوقة
- 2 ملعقة سمن سايحة للبوريه
- جبن مبشور للبوريه
- 1/4 كوب لبن للبوريه
طريقة التحضير
- نقطع شرايح اللحم الى قطع قد نص كف الايد ونشوحها في السمن و الزيت في صينية غويطة بعد تسخينهم ومهم جدا صدمة اللحمة ونضيفلها فص الثوم معاها ونغطيها
- بعد ما تنزل ميتها وتشربها تاني نضيفلها كوب كبيرة مية سخنة ولما تغلي نضيفلها فلفل اسمر ورشة ملح ونسيبها على النار ونهرس فص الثوم مع اللحم ونسيبها على النار لما تشرب ميتها خالص نشيل اللحمة كلها في طبق ونسيب السوجو اللي طلع منها في الصينية
- نضيف الصلصة على السوجو وملح و فلفل ونسيبها تغلي غلوة واحدة ونضيف اللحمة ليها ونغطيها ونوطي النار بس مش اوي ولما تقرب تتسبك نضيف الاوريجانو (الزعتر الجبلي) ونقلبها وبعد دقيقتين نضيف الموتزاريلا ودقيقتين ونطفي النار
- نسلق البطاطس ونهرسها ونضيف ملح و فلفل اسمر والسمن السايحة ونقلبها كويس جدا ونضيف ليها ربع كوب اللبن ونقلب ونحطها على النار تسخن شوية ونشيلها من النار ونضيف الجبن المبشورة وبالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد