→ كل الوصفات

بيتي فور العيد بطريقه اشهر المحلات

بيتي فور العيد بطريقه مميزه جدااا عمايل ايديا وكمان تصويري😀

  • كيلو و300 جرام دقيق فاخر
  • كيلو زبده مينفعش سمن
  • 600 جرام سكر بودرة حوالي 3آكواب
  • معلقه كبيره ڤانليا سائله
  • رشه ملح
  • 4 بياض بيض
  • 2 صفار بيض
  1. نخفق الزبده عشر دقائق وننزل بالسكر البودرة يفضل يكون مطحون جاهز
  2. نخفق الزبده والسكر كويس لمده ربع ساعة بالمضرب الكهربائي ونريح المضرب شويه ونحف لمده ربع ساعة
  3. ننزل بصفار البيض ونضربه كويس لحد ما يختفي وننزل بالبياض وعليه الڤانليا السائله ونخفقه بالمضرب كويس لحد ما يختفي
  4. ننزل بالدقيق ونقلب بالمعلقه او بآدينا كده مهمه المضرب الكهربائي انتهت
  5. ندخل الخليط الثلاجه ساعة يرتاح ويتماسك ونبدأ نشكله بماكينه البيتي فور
  6. ولو بالشوكولاته بنجيب كاكاو خام غير محلي نص الكميه بتحتاج معاكي بالظبط خمس ملاعق كبار كاكاو ومعلقه سمن كبيره و3معالق كبار زيت ونبدء نضيف لحد ما نأخذ اللون اللي محتاجينه
  7. لو حبيتي تعملي البيتي فور ريد ڤلڤت يبقى بنجيب لون غذائي احمر وعلشان اللون يظبط معاكي بنضيف ملعقة كاكاو وعليه ملعقة زيت ونبدء نظبط اللون
  8. بنشكل البيتي فور والصنيه اللي نشكلها تدخل الثلاجه لمده ربع ساعة نولع الفرن عشر دقائق رف اوسط درجه حراره 150
  9. ياخذ لون بسيط ونخرج البيتي فور بأخذ من 13ل16دقيقه في الفرن ومش بنفتح الشوايه على البيتي فور لا
  10. بنلزق بقي كل اتنين مع بعض بالمربى ونزينه حسب الرغبه
عجبتك الوصفة؟
شوف كل وصفاتنا في مكان واحد
كل الوصفات →