→ كل الوصفات
حلوة جافة يومية خفيفة و بمكونات بسيطة و اقتصادية متوفرة في كل بيت
المقادير
- 2 حبات بيض بدرجة حرارة الغرفة
- كاس إلا ربع سكر
- كاس زيت
- 2 ملاعق كبيرة نشاء
- 4 ملاعق كبيرة حليب
- رشة ملح
- ملعقة صغيرة فانيليا
- ملعقة صغيرة خميرة الحلوة
- حوالي 2 كاس ونصف فرينة (على حسب نوع الفرينة اذا تشرب و لالا)
طريقة التحضير
- في إناء نحط 2 بيض و رشة ملح و نبدأ نخلط بالميكسور و نضيف كاس سكر و نواصل الخلط حتى يذوب كامل السكر و يصبح الخليط ثقيل ابيض نبدأ نضيف في الزيت على دفعات مع مواصلة الخلط بنفس السرعة حتى نكملو كامل الكاس تاع الزيت
- نتوقف و نضيف 4 ملاعق كبيرة حليب و نواصل الخلط و نضيف 2 ملاعق كبيرة نشاء مع ملعقة صغيرة فانيليا و نواصل الخلط حتى تندمج المكونات
- نتوقف و نبدأ نضيف في الفرينة على دفعات نضيف الكاس الاول و نضيف معاه ملعقة صغيرة خميرة الحلوة و نخلط بملعقة و نضيف الكاس الثاني و نواصل الخلط و نضيف نصف كاس فرينة و نخلط حتى نتحصلو على عجينة ثقيلة شوي ماشي سائلة لازم تكون شادة روحا شوي
- ملاحظة: انا درت 2 كاس و نصف فرينة و نتي ممكن تحتاجي اقل او اكثر حسب نوع الفرينة لي عندك
- نتوقف على الخلط انا قسمت العجينة على 2 و زدتلها كاكاو و نجيب بوش ادوي (كيس حلواني) ونعمر العجينة فيه و نشكلها في بلاطو فيه ورق طهي او مدهون بالزيت وندخلها الفرن طيب من تحت لما طيب نشعللها من الفوق و نخرجها
- ان شاء الله تعجبكم شهية طيبة 😘😘🌷🌷🌷🌷
- نخلوها تبرد شوي و نلصقها بالمعجون و نزينها بالشوكولاته من الجوانب و يبقى التزيين اختياري
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد