→ كل الوصفات
طريقة عمل بيتي فور سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2 كوب دقيق للبسكويت والكحك
- 1 كوب زبدة بدرجه حرارة المطبخ
- ½ كوب سكر بودر
- 2 صفار بيض
- معلقه صغيرة فانيليا سائله
- رشه ملح
- للتزيين
- مربى مشمش
- جوز هند ناعم
- شوكولاته خام سايحه
- كرز
طريقة التحضير
- نضرب الزبدة مع السكر البودرة كويس جداً بالمضرب لحد ما القوام يكون كريمي ولونه فاتح خالص قريب من اللون الابيض
- نضيف ٢ صفار بيض لو عايزينها تكون ذايبه جدااا لكن لو عايزين تكون ماسكه نفسها يبقى نستبدل ال ٢ صفار ب ١ بيضه كامله فقط و نضيف معاها فانيليا
- نكمل ضرب كويس لحد ما الصفار يختفي تماما و بكدة يكون دور المضرب انتهي هنزود الدقيق اللي عليه رشه الملح بالتدريج ونقلب بمعلقه براحه لحد ما الدقيق يختفي وبلاش نعجن كتير عشان العجينة متنشفش
- العجينة بتكون ناعمه وماسكه نفسها بنحطها في كيس الحلواني ونختار شكل القمع اللي بنحبه ونجرب في كام واحدة بس ندخلهم الفرن الأول لو طلعت مظبوطة نكمل لو فرشت يبقى محتاجه ملعقة او اتنين بالكتير اوي دقيق
- الفرن بيكون متسخن على درجه ١٧٠ على الرف الوسط بتأخذ حوالي عشر دقائق بس اول ما تأخذ لون ذهبي من تحت نطلعها ومش بنفتح الشوايه ولا بنشيلها من الصينيه غير لما تبرد تماما وبعد كدة نزينها بالطريقه اللي تعجبنا
- وممكن نأخذ جزء من العجين نضيف له لون طعام جيل صحي بيلفت نظر الاولاد الكميه اللي في المقادير هتعمل تقريبا نصف كيلو بيتي فور بعد التزيين وبالهنا والشفا😍😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد