→ كل الوصفات

بيتي فور

احلى حاجه تفطري الصبح ف اول يوم العيد بالبيتي فور و كوبايه شاي باللبن🤣😋عيد سعيد كل سنه وانتم بألف خير يا اسرتي التانيه 💕😍

  • 1/2 (3 كوب) دقيق
  • 3 بيضات (هنفصل 2 صفار ونحطهم ع بيضه كامله)
  • م ص بيكنج بودر
  • 2 باكيت فانيليا
  • 1/2 (1 كوب) سمنه
  • 1 كوب سكر بودرة ناعم
  • 2 م ك كاكاو (لو حابه تعملي جزء بالشوكولاته)
  • برطمان مربى
  • صوص شوكولاته غامقه و بيضا كميه حسب الرغبه
  • فارمسيل حسب الرغبه
  • طبق مكسرات مجروشه
  • طبق جوز هند مبشور
  1. هنحط ف بولة سمنه وسكر ونضربهم بالمضرب الكهربائي كويس لحد ماسكر يدوب تماماً
  2. وبعدين نحط البيض مع فانيليا ونضرب كويس لحد ما القوام يكون كريمي وبعد كده ع جنب نخلط ٣ كوب فقط دقيق مع بيكنج بودر مع الملح وبعدين ننزله بالتدريج ع القوام الكريمي و نضربهم
  3. وبعدين نقسم العجينه نصين نص هنحط فيه ٢ م ك كاكاو ومش هنحط باقي دقيق عليه لان كاكاو بيخلي العجينه تتماسك وسهله تشكيل
  4. والعجينه تانيه لو محتاجه هنحط باقي دقيق عليها بس ماتحطيش النص كله حطي معلقتين كبار احتاجت نحط تاني لحد ماتوصلي لعجينه سهله تشكيل وبعدين نغطي العجينتين برول استرتش ونحطهم ف تلاجة ترتاح ١٠ دقايق
  5. وبعدين تشكليها بقمع او ماكينه بيتي فور او كيس حلواني براحتك طبعا وبعدين نرصها في صينيه مدهونه سمنه خفيف ونحطها ف الفرن تاخد لون وتستوي وبألف هنا❤️
  6. لما تبرد وتهدى نطلعها من صينيه ونبدأ نزينها انا كنت باخد اشكال معينه ألزقها بالمربى و بعدين من طرف اغطسها بالشوكولاته واحطها لاما ف الفارمسيل او جوز الهند او المكسرات وف اشكال كنت بغطس نصها ف صوص شوكولاته وازينها بعد كده بالفارمسيل
عجبتك الوصفة؟
شوف كل وصفاتنا في مكان واحد
كل الوصفات →