→ كل الوصفات
مساء الخير 🥰 النهاردة #اخترت_لك نعمل سوا اكتر بسكوت بحبه في البيت بمكونات بسيطه وطريقته سهله ومبياخدش وقت خالص هو مكڤتيز بالشوفان والشيكولاته 🤩 شبيه جدا لبسكوت هوب نوب 💕 بجد بحبه اوي وطعمه جميل 😍 يلا نشوف سوا المكونات والطريقه 🍪 #تحدي_الحروف
المقادير
- 120 جرام زبدة
- 1/2 كوب سكر حسب الذوق وممكن سكر دايت او بدون سكر
- معلقة ونصف كبيرة عسل ابيض
- كوب ونصف شوفان سريع التحضير
- 2/3 كوب دقيق القمح الكامل
- رشة ملح
- معلقة صغيرة بيكاربوناتو
- 100 جرام شيكولاته بالحليب
طريقة التحضير
- اول حاجة هنخلط السكر والزبدة والعسل سوا كويس جدا لحد ما نحس ان السكر اندمج خالص بعدها بقي هنضيف الشوفان والدقيق والملح والبيكربوناتو ونفضل نعجنهم كويس لحد ما نتاكد انهم اتخلطو كويس
- بعدها بنبدأ نشكلها دواير متساوية في صينية انا عملتها كبيرة خالص وبندخلها فرن سخن لمدة عشر دقايق
- بنخرجه ونسيبه زي ماهو لحد ما يبرد خالص عشان يقرمش وينشف و ميتقطعش لانه بيكون طري خالص
- بنسيح بقي الشيكولاته في الميكروف وبندهنهم بالفرشه طبقة بسيطه وبنسيبها لحد ماتجمد وبس كده الف هنا وشفا جربوه واكيد ان شالله هيعجبكم 😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد