→ كل الوصفات
#مريولي_باسمي
المقادير
- 4 قطع كبار لحمه بقرى يفضل يبقي (فلتو، انتركوت، ريب اي) متقطعه رفيع
- 1 م ص خل بلسميك او بديله(2م ص خل ابيض ورشه سكر)
- 1 م ص بابريكا مدخنه او عاديه وتوابل لحمه و صويا صوص
- ملح وفلفل اسود حسب الرغبه
- مكعب زبده
- م ك زيت
- 1 بصله كبيره مفرومه ناعم
- 1/4 م ص توم مفروم
- مشروم بورتوبيللو او مشروم عادي
- 1 م ص مسترده ديجون (او العاديه وعليها رشه عسل)
- 3/4 كوبايه شوربه او مرقه لحمه ومياه
- 1 كوب كريمه طهي او (¾ كوبايه لبن وباقي الكوبايه قشطه)
- 1/2 م ص صويا صوص
- 1/2 ملعقة صغيره وسترشير صوص (او ¼ ملعقه خل ابيض و م صغيره صويا صوص ورشه سكر)
- رشه جوز الطيب وزيها قرفه
- م ص عصير ليمون
- 1 م ك دقيق
- بقدونس مفروم للتزين(اختيارى)
طريقة التحضير
- هنتبل شرايح اللحمه ب الخل وباقي مكونات التتبيله ونسييها من 20دقيقه لنص ساعه عشان تزيد الطراوه والنكهه
- هنسخن الزيت والزبده وعلي نار عاليه هنحمر اللحمه من كل الاتجاهات مش عايزين نزود في التحمير عشان مينشفش مننا ونشيلها علي جنب
- في نفس الطاسه هنحط البصل المفروم لحد ميوصل للون الدهبي لو احتاجنا زبده او زيت نحط شويه. هنحط التوم عليه لحد متطلع ريحته وننزل بالمشروم (مفرزه المشروم، لكن لو لسه هتعملوا بلاش الطاسه او الحله تتغطي عشان ميخرجش مايه زياده) هنحط الدقيق ونقلب دقيقه وبعدها المسترده والصويا و وسترشير صوص او بديله ونقلب ونحط الشوربه او المياه بتوابل بالتدريج ونقلب(سبع بهارات، توابل لحمه توابل خلطه التوابل*الرابط تحت* وقرنفل حبهان لورى توابل شوربه روزمارى) عشان الصوص يتقل
- نضيف الكريمه مع التقليب بردو نرجع اللحمه المحمره للصوص تاني ونهدي النار ويستوي براحته خلال ربع ساعه هيكون استوي وبقي طرى جدا والصوص سميك قبل منقدمه علي طول هنضيف رشه جوز الطيب والقرفه وعصير الليمون
- ونحطها جنب مكرونه فيتوتشيني او رز ابيض وبالف هنا 🩵
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد