→ كل الوصفات
طريقة عمل بيكاتا فراخ بالمشروم ومكرونه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1 كيلو بانيه
- كوب لبن
- كوب و نصف كريمه طبخ
- كوب مشروم مقطع
- ملح
- فلفل
- بابريكا
- ثوم و بصل بودرة
- قالب ماجى
- فلفل الوان
- بصله مفرومه
- معلقتين ثوم مفروم
- زبده على زيت
- 3 ملاعق دقيق كبار
طريقة التحضير
- نتبل البانيه بالملح و الفلفل و الثوم و البصل البودرة و البابريكا
- فى طاسه تيفال نحط زبده على زيت و نشوح البانيه لحد ما يبقى دهبى و نشيله فى طبق على جنب
- و فى نفس الطاسه نضيف البصل و الثوم المفروم و نشوح لحد ما يصفروا و ممكن نزود زيت لو محتاجه اول ما تصفر نضيف المشروم و نقلب دقيقتين و بعدين نحط الدقيق
- بعد ما نحط الدقيق نقلب كل دة لمده دقيقتين لحد ما الدقيق يستوى و بعدين نضيف كوب اللبن و الكريمه و كوبيتين ميه
- و نسيبهم على النار يغلو و نحط قالب الماجى لو الصوص تقل اوى نزود لبن او ميه لحد ما يخف
- اول ما يغلى نرجع الفراخ كلها و نقلبها لحد ما تتغطا بالصوص
- نسيبها على النار واطيه تاخدلها غلوتين تلاته عشان الفراخ تتشرب من الصوص
- على ما تستوى نسلق المكرونه و نقطع فلفل ملون مكعبات صغيرة اوى
- عند الغرف بقى هنحط الفراخ فى طبق لوحدها و عليها شويه من الصوص مش كله و نزينها ب رشه من الفلفل الالوان المقطع
- فى نفس الطاسه نحط معلقه كبيره جبنه كريمه او نص كوب جبنه مبشورة و نقلب و بعدين نضيف الفلفل و المكرونه و نقلب و بعدين تتقدم كده بالهنا و الشفا
- 🤩🤩🤩
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد