→ كل الوصفات
اول مره اعملها الحمد لله طلعت حلوه التعامل مع المشروم (الفطر) بالنسبالي اللي كان صعب بسبب ملمسه وده اكيد مش مع كل الناس 😍
المقادير
- كريمه لباني الحجم الصغير
- 400 جرام مشروم (فطر) طازج
- 2 معلقه سمنه كبيره او زبده
- 0.5 فنجان زيت
- 2 صدور فراخ مخليه
- معلقه ملح
- معلقه فلفل
- معلقه ثوم بودرة
- معلقه جوز الطيب
- بصله متوسطه
- مرقه دجاج
- ليمونه كبيره
- كوب ماء
- 3 معالق دقيق
- معلقه بابريكا
- ه فصوص ثوم
- بقدونس
طريقة التحضير
- هنغسل الفراخ كويس ونحط عليها خل ونسيبها تتصفى وبعدين هنحط عليها رشه ملح ورشه فلفل ورشه بابريكا وندمجهم مع بعض ونسيبهم شويه
- هنقطع المشروم (الفطر) بتاعنا وهنقطع البصله ممكن شرايح وممكن نفرمها حسب الرغبه وهنفرم الثوم
- هنجيب معلقتين دقيق ونحط فيهم الفراخ كأننا هنعلمها بانيه وبعدين هنحط ملعقة زبده كبيره وشويه صغيرين زيت ونقلي الفراخ وبعدين نسيبها على جنب
- هنحط البصله في نفس الطاسه بتاعه الفراخ تأخذ لون شويه ومعاها الثوم المفروم اول ماياخدوا اللون هنحط المشروم (الفطر) لو احتاج نزيد زبده نحط تاني بس اول مانحط المشروم (الفطر) نهدي النار عشان بيستوى بسرعه جداً
- هنحط ملعقة دقيق ونقلبها كويس في المكونات لغايه ماشكل الدقيق يختفي في الوقت ده هنضيف الكريمه اللباني شويه بشويه وهنحط عليها المرقه ونقلب لو حسينا انها تقيله اوي هنخفف شويه بشويه بكوب الماء اول ماتظبط معانا هنضيف الملح والفلفل و الثوم البودرة
- بعد كده هنضيف الفراخ بتاعنا ونقلب كويس ندمجهم مع بعض وبعد كده هنحط الليمون وبعدين جوزه الطيب ولما نجي نقدمها نحط البقدونس من فوق زي الصوره بيفرق في الطعم على فكره مش مجرد تزيين
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد