→ كل الوصفات
كنت سبق وحضرت لاجينواز من قبل في صفحتي منذ 2019 تغيير هنا زدت زيت راح يصنع الفرق جينواز تجي ماشي شايحة وهذي راني معتمدتها حاليا كل ماكان سارسو صغير كل ماكانت عالية والله بنتها رائعة تفرحي بيها عائلتك صغيرة 😘
المقادير
- 4 بيض
- ملعقة كبيرة فانيلا
- رشة ملح
- كأس ناقص صبع سكر حبيبات
- كأس فرينة
- ملعقة صغيرة خميرة كيميائية
- زوج ملاعق زيت
- 3 ملاعق غبرة شانتي
- عطر مشمش لامتوفر
- 8 حبات مشمش
- سيرو : زوج ماء ونص كأس سكر عادي
- كأس ماء مع نصف باكي فلان فاني
- كاوكاو ايفيلي لتزيين وحبات مشمش
طريقة التحضير
- بسم الله نطلع البيض بالباتور ،سرعة ناقصة ومبعد زيدي بشوي مع سكر ولافاني ورشة ملح لازم يتضاعف الحجم مليح بيض لازم درجة حرارة الغرفة فرينة تكون منخولة زيديلها خميرة وخلطي بلافوي غير بلعقل وفي الاخير زيت وخلطي انا عندي سارسو كاري 20 على 20 غلفتو بنيلو غذائي ومبعد المنيوم باه مايخرجش الخليط دهنت الأطراف زبدة وفرينة وحطيه في بلاطو يكون حجم صغير ،والا ماعندكش نيلو ديري ورق الطهي وادهنيه بالزبدة حطي الخليط وزعيه مليح غير بشوي باه مايهبطش معاك اخبطي مرة وحدة باه يخرج الهواء غير بلعقل
- بعود شواء فوتي عليها بحركة عشوائية الفرن يكون مسخن من قبل درجة عالية دخليها لازم تكون في الرف الفوقاني وشاعل من تحت نزلي درجة ل 140 وخليها طيب ماتحليش عليها حتان تفوت 20 ولا نص ساعة مهم راهي تتنفخ تأكدي بالكيردون لا طابت نزليها وحمريها من فوق مع طيب خليها تبرد غلفيها مليح لايدخلها الهواء وخليها تبات في ثلاجة
- هنا كي باتت نبداو خدمة انا قسمتها على نصفين كنت ديجا وجدت سيرو من قبل لي هو سكر وماء ومشمش حب معاهم غير يغليو 10 د نقلع مشمش نصفيه وتبقا شاربات بنكهة مشمش نسقيو بيها جينواز
- نسقي طبقة لولى ونحط عليها الكريمة ومشمش لازم باردين ونزيد نسقسي طبقة ثانية ونغلق نروح لكريمة نطلعها وهيا باردة نزيدلها شونتي تقدرو تزيدو حسب الحلاوة لي باغينها وعطر مشمش ونغلف بيها جينواز كامل تزيين حكمت كأس ماء مع فلان وخليتهم يغليو زوج دقائق وخليتو برد شوي عندك لايجمد لوحوه من فوق كيما درت في بلاصة سوبر كريم وتزيين يبقى حسب ذوقكم
- فرحت بيها ولدي يقرا في المتوسط العام هدا بيام ادعيولو💗
- ملاحظة مهمة كل ماخلتيها طول في ثلاجة كل ما جينواز تتشرب سيرو وتجي خفيفة بزاف وقطنية 🎉
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد