→ كل الوصفات

تارت الفراولة

#تحدي_العجين

  • لعجين التارت
  • 100 جرام سكر بودرة
  • 200 جرام زبدة ساقعة من الثلاجة
  • 300 جرام دقيق
  • بيضة وفانيليا
  • للباستري كريم
  • كوباية لبن
  • كوباية كريمة لباني
  • 3 صفار بيضة
  • فانيليا
  • 2 معلقة كبيرة نشا
  • 4 معالق كبار سكر
  • لطبقة الفراولة
  • 1/4 كيلو فراولة
  • معلقتين كبار مربى فراولة
  • 1/2 كوب سكر
  • عصير ليمون
  1. في محضرة الطعام هانحط الزبدة والدقيق ونشغل المحضر لحد مايبقي عامل زي الرملة بعدين نحط السكر ونضرب ضربة بسيطة والبيضة والفانيليا ونضرب ضربه وننزل العجين على الرخامة ومانعجنش جامد براحة ويادوب نلم نفردها بين ورق زبدة ونحط التارت في صينية التارت ونضغط بايدينا ونكون داهنين الصينية بالزبدة ونخرم التارت وندخلها الثلاجة عشر دقائق ونحط على التارت ورق زبدة ونحط على التارت اي بقوليات ينفع تدخل الفرن ممكن لوبيا عشان تكون اتقل من التارت وتمنع انه بتنفخ يدخل فرن سخن لحد ماالجوانب تبتدي تأخذ لون نطلعها نشيل
  2. ورق الزبدة واللوبيا وندخلها الفرن تاني لحد ماكل التارت يبتدي ياخذ اللون الذهبي ونطلعه لحد مايبرد خالص. في حلة بنحط كل مكونات الباستري كريم ونرفعها على النار ونفضل نقلب لحد ماتتقل نشيلها ونغطيها بكيس نايلون لحد ماتبرد خالص. في حلة بنحط كل مكونات طبقة الفراولة ماعدا المربى على النار ونخفف عليها ونغطي لحد مالفراولة تذبل والصوص يتقل نشيله ونسيبه يبرد خالص ونحط عليه المربى
  3. نطلع التارت من الصينية او في الصينية ونحط عليه الباستري كريم ونوزعه كويس ونساويه بعدين نحط طبقة الفراولة ويدخل الثلاجة لمدة ساعة والف هنا
عجبتك الوصفة؟
شوف كل وصفاتنا في مكان واحد
كل الوصفات →