→ كل الوصفات

تارت الموز بتاع (ديلايت)

جربت وصفات كتير عشان اوصل لاشهر تارت موز زي بتاع المحلات بالظبط

  • 300 جم دقيق
  • 100 جم سكر بودرة
  • 200 جم زبدة مثلجة
  • بيضه
  • فانيليا
  • رشة ملح
  • الحشو..نص كيلو لبن
  • معلقة ك كاسترد جاهز
  • معلقتين نشا
  • 1/2 كوب سكر
  • بيضتين
  • فانيليا
  • قطعة زبدة
  • 2 ظرف كريم شانتية
  • كوب لبن
  • من 4الي5 موزات شرائح
  1. نخلط الدقيق و السكر و رشة الملح يندمجوا و بعدين نضيف الزبدة و نضرب ضرب متقطع لحد ما يلقى زي الرمل و بعدين نضيف البيضة و الفانيليا أو برش ليمونه و نضرب ضربه خفيفة
  2. و نلم بعدها العجينه مش بنعجن و نشيلها ف كيس ترتاح نص ساعه ف التلاجة و نحضر قالب التارت و نحط ورقة زبدة و ندهنها كويس
  3. نبدء نفرد العجينه كويس في القالب و نخرمها كويس جدا او نحط ورقة زبدة. عليها حبوب كتقل..بعد ما تبرد نفكها بكل سهولة و نحطها ف الطبق و نسيبها تبرد
  4. نحضر كريم باستير الحشو ع البارد نقلب اللبن و البيض و السكر و الكاستر و النشا و الفانيليا و نرفعه ع النار و نقلب علطول و اول ما يبدء ينقل نحط الزبدة و نطفى و ننقله ف طبق و نغطي وشة بكيس عشان ميعملش قشرة و نسيبه يبرد تماما..و نضرب الكريم شانتيه ال 2 باكو بكوب لبن مثلج
  5. بعد ما يبرد ناخد الكريم باستير ف طبق و نحط عليه تلات اربع كمية الكريمة و نسيب الربع لوحدة و نخلطهم مع بعض كويس جدا بالمضرب الكهربائي لحد ما يلقى ناعم تماما
  6. نجيب التارت و نحط نص الخليط فيه و نفردة كويس و نرص فوقة شرائح الموز و ننزل بباقي الخليط بالراحة و نغطي كل الموز اهم حاجة
  7. دة بيكون شكلة بعد ما غطناه تماما..نجيب الميم شانتية اللي شلناه و نحطة ف كيس حلواني و نعمل خطوط طولية و عرضية
  8. و يترك ف التلاجة يرتاح و يقدم و بالف هنا
  9. جربوة هتحبوة و زي الجاهز بالظبط
  10. 🥰🥰🥰
عجبتك الوصفة؟
شوف كل وصفاتنا في مكان واحد
كل الوصفات →