→ كل الوصفات
تارت بمناسبة عيد ميلاد ابني غالي الاول
المقادير
- 6 بيضات بحرارة الغرفة
- كأس إلا ربع سكر سنيدة (سكر خشن)
- 2 ساشي من سكر بنكهة الفانيليا
- 5 ملاعق من الماء المغلي
- 0.5 ساشي خميرة كيميائية
- 2 كؤوس من الدقيق
- رشة ملح
- 0.5 لتر حليب
- 3 ملاعق كبيرة من مستحضر كريم باتسيير
- 4 ملاعق كبيرة من السكر حبيبات
- مبشور 1 الليمونة حامضة
- 0.5 كريمة سائلة
- 3 علب ياغورت بنكهة الليمون الحامض
- 40 غرام من الدقيق
- 40 غرام من الجوز او اللوز
- 40 غرام من السكر الناعم
- 40 غرام من الشوكولاته السوداء
- 40 غرام الزبدة
- كأس من الكريمة السائلة
- 10 مربعات صغيرة من الشوكولاته البيضاء
- 3 اوراق من الجيلاتين
- ملعقة صغيرة من الملون الغدائي الأزرق
- الفويتين
- ليدراجي
طريقة التحضير
- نفس الطريقة لي خدمت بها جينواز كاطو الحروف ونحط الخليط في صينية تكون كبيرة حيت حاجتنا في 2 ديال طبقات جينواز. وندخلها الفرن
- في كاسرول ندير الحليب و السكر و مستحضر كريم باتسيير و مبشور الليمون الحامض نخلط الكل على نار هادئة حتى يثقال الخليط نخليه يبرد ثم نضيف عليه الياغورت و نطرب الخليط حتى يولي كريمي ثم نضيف عليه الكريمة السائلة بعدما طلعتها ونخلط شويه حتى تمتازج الكريمتين و نخليها في الثلاجة تبرد
- بالنسبة الطبقة المقرمشة في مقلاة ندير الدقيق و الجوز و السكر و الزبدة على نار هادئة حتى يولي اللون ديلهم ذهبي نزولهم من فوق نار ونضيف عليه الشوكولاته والخليط مزال ساخن حتى يذوب ونتركو على جنب
- بالنسبة الكلاصاج في كاسرول ندير الكريمة على النار حتى تغلي شوية و نطفي نار و نضيف الشوكولاته البيضاء و أوراق الجيلاتين بعدما كانو في ماء بارد باش يطلقو و نضيف القليل من الملون الغدائي الأزرق ونخلط جيداً بالمكسور
- بالنسبة للمنطاج نأخذ اطار دائري نطرسي الجينواز ديالي و نسقي الطبقة الأولى بسيرو الليمون الحامض و ندير طبقة من الكريمة و طبقة من الخليط المقرمش ونحط الطبقة ثانية من الجينواز ونضغط شوية نسقيها وندير الكريمة و الخليط المقرمش ونعاود فوقها الكريمة نغطيها ببلاستيك غدائي وندخلها للمجمد حوالي ساعة
- نخرج الطارط من المجمد نحيد الإطار و نخوي فوقها الكلاصاج يكون دافئ نوعا ما حتى يتغطى الطارط كامل و نزينو بالفويتين كما في الصورة ونحط لدراجي على الوجه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد