→ كل الوصفات
لو عايزة تشوفي الوصفة خطوة خطوة.. دة
المقادير
- لكل 500 جم دجاج
- ملعقة صغيرة بابريكا
- ملعقة صغيرة كزبرة ناشفة
- ملعقة صغيرة ملح
- 0.5 ملعقة صغيرة فلفل اسود
- 0.5 ملعقة صغيرة ثوم بودر
- 0.5 ملعقة صغيرة بصل بودر
- 0.5 ملعقة صغيرة كمون
- 0.5 ملعقة صغيرة زعتر
- ملعقة كبيرة ليمون
- للسلطة
- 2 طماطم
- بصلة متوسطة
- ثمرة فلفل اخضر كبيرة
- كزبرة خضرا
- ملح
- فلفل اسود
- عصير نصف ليمونة
- للصوص
- 3 ملعقة كبيرة زبادي
- 3 ملعقة كبيرة مايونيز
- ملعقة صغيرة فلفل اسود
- ملعقة صغيرة ملح
- ملعقة صغيرة ثوم بودر
- 2 ملعقة صغيرة شبت
- زيت زيتون
- 2 ملعقة كبيرة لبن
- 6 عيش تورتيلا
- فاصوليا حمرا
- ذرة حلوة
- موزاريلا
- كابوتشي (نوع خس)
طريقة التحضير
- اول حاجة هنجهز البهارات.. هنقلب البابريكا والفلفل الأسود والكزبرة والكمون والملح مع الثوم البودر والبصل البودر والزعتر والليمون
- قطعي الفراخ مكعبات صغيرة وقلبيها مع التوابل كويس لحد ما تغطيها كلها
- بعد كدة سخني الزيت كويس.. و ضيفي الفراخ واضبطي الملح والفلفل الأسود
- سيبيها على نار متوسطة لحد ما تستوي
- بالنسبة للسلطة قطعي كل حاجة مكعبات صغيرة.. الطماطم والبصل والفلفل
- قلبيهم مع الكزبرة والملح والفلفل الأسود والليمون.. بس قبل ما تقدمي التاكو على طول علشان طعمها مايتغيرش
- بالنسبة للصوص.. هنقلب الزبادي والمايونيز مع الملح والفلفل الأسود والثوم البودر والشبت وزيت الزيتون
- لو لقيتي القوام تقيل شوية ضيفي معلقتين لبن وقلبي كويس
- هاتي العيش ورصيه على شبكة الفرن او المايكروويف وسخني لحد ما يبدا يقرمش شوية وياخذ شكل التاكو
- بعد كدة هنحط الكابوتشي الأول وفوقه الفراخ وبعدين السلطة وشوية فاصوليا وشوية ذرة واخيرا موزاريلا
- قدميها مع الصوص.. و بالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد