→ كل الوصفات
طبعا مافيش حد مش بيحب الفراخ وبالذات الفراخ المشوية🐓.. بس الاحلى بقى انك تعمليها بطعم مميز ومن غير ماتنشف منك في الفرن وتبقى كده دايبة وسايحة ونايحة 😂😂عشان كده اضافة العسل الأسود🏺 او الأبيض🍯 هتديها طعم مميز ولون وشكل وكل حاجة مع الخلطة الحلوة دي 🤗 #تحدي_الشيف_الذهبي #الشيف_الذهبي #كوكينا_cookina #eman_magdy #تتبيلة_الفراخ_المشوية
المقادير
- بصلة مفرومة🌰
- طماطم مبشورة🍅
- ثوم مفروم
- عصير ليمونة🍋
- ملعقتين كبار زيت🥃
- ملعقة كبيرة صلصة طماطم🍅
- ملعقة كبيرة خل
- ملعقة كبيرة عسل اسود🏺او نحل🍯
- ملح.. فلفل اسود
- بهارات فراخ
- بابريكا
- كاري
- كركم
- قرفة
طريقة التحضير
- شايفين الجمال والحلاوة والامعة😍😋
- اول حاجة هنحط في بولة البصل🌰والطماطم 🍅
- والثوم وعصير الليمونة🍋
- والزيت وملعقة الصلصة
- والخل والبهارات
- وملعقة العسل🏺 دي بقي تحفة بديل للصويا صوص بتدي طراوة وشوية حلاوة شوية زي اللي بتبقى في المشويات
- ونقلبهم كويس جدا⤴️⤵️
- وانا هنا سلقت الفراخ🐓 عشان ماتاخدش وقت في الفرن بس قبل ماندخلها الفرن هنتبلها الأول بالخلطة... اول حاجة عملت 3 شقوق بالسكينة من فوق ومن تحت عشان تدخل التتبيلة كويس جواها وتتتشرب كويس👌
- وحطيت من جوة الفتحات شوية من التتبيلة.. وحطيت شوية جوة الجلد
- وحطيت عليها من برة ومن فوق ومن تحت ودعكتها بإيدي كويس لحد لما فعصتها😂
- حطيتها في الفرن من تحت الاول عشان تنشف شوية وتاخد لون بسيط وفي نصف التسوية باخد شوية من التتبيلة وبدهنها بالفرشة الخطوة دى بتخليها تفضل طرية وبعمل كده من فوق ومن تحت
- وبعد كده حطيتها في الشواية لحد لما بقت بالجمال والحلاوة دى وكانت طرية وعسل زيكوا😍 وممكن كمان تولعوا فحمة عشان تبقي بريحة الفحم هتبقى رهيبة😋😋 ودي شكلها النهائي 😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد