→ كل الوصفات
#تجهيزات_رمضان
المقادير
- فراوله
- مانجو
- برتقال
طريقة التحضير
- في رمضان بحب افرز العصائر الفريش ولا افضل العصائر الصناعيه حفاظا علي المعده في رمضان
- اول حاجه بجيب الفراوله واغسلها وانضفها واقطعها واحفظها في اكياس في الفريزر ووقت الحاجه بطلع الكيس بضيفله السكر واكواب المايه وبالهنا والشفا عصير فراوله فريش منعش علي الفطار
- تاني حاجه وقت موسم المانجا بحرص علي تفريز كميات منها للشتاء ولرمضان بقوم بغسل المانجا وتقشيرها وبعد كده اقطعها قطع واحفظها في اكياس في الفريزر ووقت الحاجه اطلع الكيس وبضيفله السكر واكواب المايه اللي عايزاها لو عايزه تخلي القوام تقيل خفيف براحتك وبالهنا والشفا
- بالنسبه للبرتقال ودا العشق المنعش في رمضان بجد رائع جدا وجربيه بجيب عدد ٣ ك برتقال واغسلو كويس جدا واقشرو بالمقشره وبعد كده اعصرو في العصاره واضيف العصير للقشر اللي طلع وانقعوا مع كيلو الا ربع سكر لمده يوم في التلاجه وبعدين اصفيه من القشر بحتفظ بالقشر لعمل الكيكات بيكون طعمه محلي ولذيذ جدا وبالنسبه للعصير كل كوبايتين عصير منقوع في كيس وبحفظوا في الفريزر
- ملحوظه كل كيس عصير برتقال بيتخفف وقت الحاجه وبيعمل ٥ اكواب علي الفطار وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد