→ كل الوصفات

تحلية القطايف بالكريمة

طريقة عمل تحلية القطايف بالكريمة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 500 غ قطايف من نوع روجينا
  • زبدة ذائبة
  • ½ لتر حليب
  • كريمة فانواز ذوق البيستاش
  • 06 مغارف كبار كريمة الشانتيه
  • 3 مغارف كبار سكر على حسب الرغبة
  • مكسرات للتزيين
  1. نحل القطايف مليح و من بعد نشربها بالزبدة الذائبة من بعد ندهن المول تاعنا و نحطها و ندير سارسو مدور باه نتحصل على شكل هلال
  2. نحط القطايف و نستفها مليح في المول و ندير لها الزبدة و نحطها تطيب اي تستوي ك نشوفها تحمرت من فوق و من تحت نطفي عليها
  3. نحضر الكريمة نصف لتر حليب نضيف ليها فانواز ذوق البيستاش بارد في بارد و 3 معارف سكر ونحرك و نحطها على النار حتى تعقد و نطفي عليها و من بعد نغطيها بساشي تلامس السطح و نحطها تبرد في الثلاجة
  4. من بعد ما تطيب اي تستوي القطايف تاعنا نشربها بالسيرو
  5. من بعد ما تبرد الكريمة مليح نضيف ليها 6 مغارف شانتيه و نطلعها بالباطير مليح و نحطها فوق القطايف
  6. و من بعد نفتت القطايف الي بقت في الزبدة و نحمصها حتى تأخذ اللون الذهبي و نحطها فوق الكريمة و نزينها بالمكسرات الموجودة عندك و ان شاء الله تعجبكم الوصفة
عجبتك الوصفة؟
شوف كل وصفاتنا في مكان واحد
كل الوصفات →