→ كل الوصفات
اللهم صل وسلم وبارك على سيدنا محمد 🌸 #مملكة_الفراشات #معسلاتي_الحلوة تحلية ولا أروع قمة في البنة جربوها على ضمانتي ✌🥰
المقادير
- كمية من القطايف
- ملعقة كبيرة زبدة
- عسل
- للكريمة
- كأس حليب 250ملل
- ملعقة ونصف نشاء
- 3 ملاعق سكر
- حبة بيض
- باكي سكر فانيلا
- 3 ملاعق شونتي
طريقة التحضير
- اول حاجة نحضر الكريمة في كصرونة نخلط الحليب مع النشاء والسكر والفانيلا والبيضة بارد في بارد ونحطهم فوق النار كي تثقال الكريمة نطفي عليها ونفرغها في صحن ونغطيها وسوليفان ولازم يلامس سطح الكريمة باش ماتتشكلش طبقة ندخلها الثلاجة باش تبرد مليح
- في مقلة نحط ملعقة كبيرة زبدة حتى ذوب نفرغ عليها القطايف لي فتتهم بيدي ونحمصم حتى يولي لون برتقالي
- نجيب عسل ونفرغو بالعقل على القطايف ونخلط بالملعقة حتى تولي القطايف هاذيك ساردة كيما الحشو تاع البقلاوة بعدها نخليها بجيه
- كي تبرد الكريمة نخلطها بالباتور كي تولي ملساء نضيف عليها الشونتي ونخلط حتى يضاعف الحجم قليلا وتولي خفيفة
- في كؤوس التقديم نحط الطبقة الأولى قطايف بعدها طبقة من الكريمة بعدها القطايف ثم الكريمة وفي الاخير نزين بكرة من القطايف.التزيين طبعا يبقا اختياري😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد