→ كل الوصفات

تحلية بالكاراميل وصوص شوكولاته على طريقتي أم جنات 😋🍧🍧

باسم الله والصلاة والسلام على رسول الله

  • قاطو أي نوع 🧇
  • باطة فلان كراميل
  • كاس سكر ونصف
  • 1 لتر حليب
  • 3 م ك فرينة
  • كاس سكر
  • كاس زيت
  • كاس ماء
  • كاس حليب
  • 3 ملعقة كبيرة كاكاو
  • م ك ونصف فرينة أو نشاء
  • أنا زينت بشوي جوز الهند انتم تقدرو تزيدو طبقة تاع شانتيه
  • المهم أنو التزيين إختياري
  • نروحو لطريقة التحضير
  1. أولا نحط القاطو تاعي فلكؤوس نحطو بجيهة وبعدها نروح نحضر الطبقة الاولى لي هي...... في طاوة نحط كاس سكر ونحطو على نار قليلة مع التحريك المستمر باش مايتحرقش ويرجع مُرْ ونحرك حتى يذوب يرجع كراميل ونفرغ عليه لحليب تاعي لي كنت درت فيه الفرينة والسكر وباطة فلان كراميل
  2. وكنت دفيتو شوي نفرغو على السكر تاعي ونبقى نحرك فيه حتى يخثار ونحيه على النار ونبدا نفرغ فيه فلكيسان دياولي 🌹🌹...... ونخليه بجيهة.......هذا بالنسبة للطبقة الأولى ،،،،،
  3. أما الطبقة الثانية هي ،،،، في طاوة نحط كاس سكر والزيت والحليب والماء والكاكاو والفرينة و الشوكولاتة ونحرك بارد في بارد ونحطو على نار متوسطة ونحرك مليح حتى تمتزج المكونات تاعي مليح ويخثارلي لخليط ونطفي عليه النار ونفرغو فوق الطبقة الاولى
  4. ونزينو بشوي جوز الهند... ولي حابة تزيد طبقة تاع شانتيه تزيد............التزيين يبقى إختياري
  5. وبصحة وراحة عليكم حبوباتي ،🤲🤲😋😋😋
عجبتك الوصفة؟
شوف كل وصفاتنا في مكان واحد
كل الوصفات →