→ كل الوصفات

تخليل الزيتون الاسود 👌👌

#التحدي_الالماسي

  • كيلو زيتون أسود
  • 4 ملاعق ملح
  • 0.5 كوب زيت
  • ليتر ماء
  1. هنجيب الزيتون ونغسلة كويس ونشفه
  2. هنجيب مصفاة ونحط الزيتون وعليه حوالي كوب ملح ونقلبة كويس جداً بحيث الملح يغلف الزيتون
  3. هنغطي المصفاه بطبق مسطح ونجيب اي حاجة تقيلة عندك ونحطها على الزيتون عشان يصفي المرارة اللي فيه وكل يوم نشيل الطبق ونقلب الزيتون ونرجع الطبق والتقل عليه لمده خمس ايام وطبعا نكون حاطين طبق غويط تحت المصفة عشان الماء المرة تصفي فيه
  4. بعد الخمس ايام هنأخذ الزيتون ونغسله تحت الحنفية كويس جداً وهنكون بنغلي ماء ونطفي عليها وننزل فيها الزيتون لمده خمس دقائق لأن الزيتون بيكون نزل مرارته وكرمش فإحنا عاوزينه يرجع ينفخ تاني
  5. هنشيل الزيتون من الماء ونسيبه يبرد شويه ونجيب لتر ماء ونحط عليه 4 ملاعق ملح ونقلبهم ونجيب برطمان على قد كيلو الزيتون ونزل فيه الزيتون وننزل عليه بالماء بالملح لحد اما تغطية بس ونكمل باقي البرطمان زيت ونقفل البرطمان كويس
  6. ونسيبه لمدة 20 يوم بس كل يوم نفضل نرج البرطمان بتاعنا كويس وبعد ال20 يوم هتاكلي احلى زيتون وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →