→ كل الوصفات
او (فتة اللحم مع الثوم) ياقمراية تسلم ايدك ياماما علمتيني كل حاجة وربتيني صح ربنا يخليكي يا امي 💗💗💗💗💗💗💗💚💚💚💚💚💚
المقادير
- عيش محمص
- رز حسب الحاجة
- راس ثوم بحالها
- لحم مسلوق
- طماطم للصلصة
- ملح حسب الحاجة
- رشة فلفل اسود
- تشكيلة بهارات
- زيت لتحميص العيش
- سمن للطشة
طريقة التحضير
- نسلق اللحم جيداً جيداً مع البصلة والطماطم وورق اللوري ونعمل الرز ونفصص الثوم كله ونحطله الكزبرة والملح
- نعصر الطماطم ونسيبها تتسبك شوية ونحط ملح وفلفل اسود مش كتير عشان الثوم فيه ملح نكون شوحنا معلقة صغيرة من الثوم مع حتة سمنة ونطشها على الدمعة
- العيش نقطعه صغير ونحطه في صينية كبيرة ونتبله بملح وفلفل اسود وكمون وكزبرة وطعم شطة وليمون وزعتر وبودرة ثوم وبودرة بصل ومعلقتين كبار زيت ويتقلب ويخش الفرن يتحمص ولما يتحمص حتة ثوم من الليي احنا شوحناها نحطها على العيش ونقلبه ونسيبه في الفرن وهو مطفي ونستنا شويه لحد ماللحمة تستوي في الفرن
- نحط اللحمة في صينية ونتبلها ونحطلها سمنة او زيت وجزء من الثوم المشوح ونقلب كل قطعة ويدخل الفرن لحد ماتتحمر كويس
- كده تمام نحط شوية عيش وعليهم ملعقة شوربة وعليها الرز وعليه الدمعة الحمرا بالثوم ويرش عيش محمص من فوق ويطش ثوم من فوق الحفلة العظيمة دي
- والف هنا وشفا
- بس ماتنسووش الفواااااااار عشان جامدة والريحة لوحدها بتجيب حموضة مابالكم بالسرحان مع الطبق يابووووي
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد