→ كل الوصفات

تسوية الفراخ العتاقي المحشيه

#التحدي_الالماسي

  • 1 فرخه عتاقي (كبير في السن) اي وزن
  • 2 بصله مقطعة قطع صغيرة
  • ورق لورا
  • بهارات فراخ
  • فلفل اسمر
  • كمون
  • ملح
  • للنقع
  • قليل خل
  • 1 ليمون
  • ملح
  • للتسوية في الفرن
  • ملعقة صلصة
  • ملعقتين شوربه
  • ملعقة بابريكا
  • رشة ملح
  • فلفل اسمر
  • كمون
  • بهارات فراخ
  1. اول حاجه ننقع الفرخه في ماء فيها خل وليمون وملح لمده ساعة وننضفها كويس من جوه وبره
  2. حله على النار نحط فيها ماء واول ما تغلى نحط ورق اللورا
  3. نجيب البصل ونحط عليه التوابل ونقلبهم مع بعض كويس ونحشي بهم الفرخة من جوه وبين الجلد وندعكها من بره بالخلطه برده ونقفلها كويس ممكن بخله ولو فرخه كبيره او ديك أمهات ممكن نخيطها بابره وخيط ونحطها في الماء المغليه
  4. الفراخ العتاقى بتأخذ وقت في السوا يعنى ممكن من ساعتين ل ثلاثة ولما مايتها تقصر زوديها ماء مغليه الشوربه بتاعتها بتبقى فظيعة ودسمه جداً لو عاوزه تقليها بعد كده تمام بس انا احب اكل الفراخ العتاقى مسلوقه وممكن كمان في الفرن وهقولك ازاى
  5. بتجيبى ملعقة بابريكا وعليها ملعقة صلصة ورشة ملح وفلفل اسمر وكمون _بهارات فراخ وتقلبيهم كويس مع ملعقتين شوربه لحد اما يبقى القوام كريمي شويه تدهنى بيها الفرحه كلها وتدخليها الفرن واول ما تطلع موقعها والف هنا
عجبتك الوصفة؟
شوف كل وصفاتنا في مكان واحد
كل الوصفات →