→ كل الوصفات

تشكن ستربس بتتبيلتي الخاصة 😋

طريقة عمل تشكن ستربس بتتبيلتي الخاصة 😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 0.5 كيلو صدور دجاج مخلية ومنزوعة الجلد
  • خليط التتبيلة
  • بصلة كبيرة مفرومة
  • فصين ثوم
  • 2 معلقة كبيرة زبادي
  • 2 معلقة كبيرة مايونيز
  • 2 معلقة كبيرة خل
  • 2 معلقة كبيرة ماستردة
  • معلقة صغيرة ملح
  • معلقة صغيرة فلفل
  • معلقة صغيرة هريسة شطة
  • معلقة صغيرة بصل وثوم بودرة
  • معلقة صغيرة بهارات فراخ
  • للتغطية
  • كوب كبير مليان بقسماط ناعم وعليه كيس فجيتار
  • معلقة كبيرة مليانة نشا
  • معلقة بيكنج بودرة
  • 2 بيضة
  • زيت غزير للقلي
  1. هنغسل صدور الفراخ كويس ونقطعه صوابع سميكة وننقعها في شوية ماء وملح وعصير ليمون وملعقتين دقيق عشان الفارة نص ساعة
  2. نغسلها كويس من خليط النقع ونحطها في مصفة تتصفى كويس
  3. في كأس الخلاط هنحط كل خليط التتبيلة ونفرمه ناعم جداً هيكون خليط تقيل نوعا ما زي خليط الكيك
  4. في طبق غويط هنحط التتبيلة ونظبط ملحها كويس ونحط عليها الفراخ نخلطهم وندخلها الثلاجة على الاقل ساعتين والأفضل تبات في الثلاجة قبلها بليلة
  5. هنجيب الفراخ ونضيف عليها البيتين ونقلبهم كويس جداً
  6. نسخن الزيت على النار واول ما يسخن نهدي النار تكون متوسطة عشان الستربس ميتحروقش منك
  7. هنأخذ أصابع الفراخ ونلتها في البقسماط ونقلها في الزيت لحد ماتاخد لون ذهبي جميل
  8. تقدم ونزينها بأي خضار عندنا 😋
  9. ملحوظة : ممكن اقلي الستربس في زيت بس وهيكون مقرمش وخفيف لكن جربي تقليه في كميات متساوية من الزيت والزبدة او السمنة حسب المتاح عندك بجد الطعم رائع جداً ومختلف عن القليلة بالزيت لوحده 😋
عجبتك الوصفة؟
شوف كل وصفاتنا في مكان واحد
كل الوصفات →